3G ကွန်ရက် နှင့် ဟန်းဆက်

 3G ကွန်ရက်ထွန်းကားလာမည့် ယနေ့ခေတ်တွင်လူငယ်၊ လူကြီး မရွေး စိတ်ဝင်စားမှုများမှာလည်း 3G လောကထဲသို့ ရောက်ရှိလာခဲ့ သည်။ 3G ဟုဆိုရာတွင် ဂီတ နားထောင်ခြင်း၊ ရုပ်ရှင်ကြည့်ခြင်းတို့ ထက် ပိုမိုသည့် အင်တာနက်ကွန်ရက် ချိတ်ဆက်ခြင်းနှင့် video call တို့သည် ယနေ့ခေတ် မြန်မာပြည်သူ များအတွက် အထူးတောင့်တရာ ဖြစ်လာခဲ့သည်။

မိမိရောက်ရာနေရာမှ မိမိ၏ လက်တစ်ကွက်စာ သေးငယ်သော အရာကလေးမှသည် ကမ္ဘာလောကကြီး၏ သတင်း အချက်အလက်များကို သိနိုင်ခြင်း၊ ခွဲခွာ နေသူများနှင့် တွေ့ဆုံခွင့်တို့မှာ 3G ကွန်ရက်၏ အကျိုး သက်ရောက်မှုများ ဖြစ်ကြောင်းကို 3G ကွန်ရက် ဖော်ဆောင်လျက်ရှိသော မြန်မာ့ ဆက်သွယ်ရေးလုပ်ငန်းမှ သိရ သည်။ 3G ကွန်ရက်သည် မြန်မာ ပြည်သူများအတွက် အဆင်ပြေဆုံး ဖြစ်လာမှာဖြစ်ပြီး ရိုးရိုးဖုန်းသုံးစွဲ ခွင့်ထက် ပိုမိုသည့်စနစ်များ နှင့် သတင်း အချက်အလက်များ ရယူနိုင်ရန် ဖန်တီးထားပြီး ဖြစ်သည်။ သုံးစွဲသူ ပြည်သူများဘက်မှလည်း 3G ကွန်ရက်ရနိုင်မည့် ဖုန်းဟုဆိုလိုက် သည်နှင့် စိတ်ဝင်တစားရှိခဲ့ပြီး မည်သည့် အချိန်တွင် မြောက်မြားစွာသုံး နိုင်ခွင့်ရနိုင်မည်ကို မျှော်လင့်လျက် ရှိကြသည်။

“ 3G ကွန်ရက်က အမျိုးအစား နှစ်မျိုးရှိတယ်။ UMTS နဲ့ WCDMA ဆိုပြီး နှစ်မျုိးရှိပါတယ်။ ကျွန်တော်တို့က ကိုယ့်နိုင်ငံနဲ့ကိုက်ညီမှု ရှိမရှိကို နှစ်မျိုးစလုံးနဲ့ စမ်းသပ်ထား တယ်။ WCDMA  ဆိုရင် သုံးစွဲခွင့် ပေးထားပြီး ဖြစ်ပါတယ်” ဟု မိုဘိုင်း ဆက်သွယ်ရေးလုပ်ငန်းမှ ၀န်ထမ်း တစ်ဦးမှ ပြောပြခဲ့သည်။ 3G ကွန်ယက်ရရှိရန် နိုင်ငံတော်မှ ပြည်ပမှ စက်ပစ္စည်းများ မှာယူခဲ့ပြီး တစ်နှစ် ပြည့်လုနီးပါးအချိန်တွင် စတင်သုံး ခွင့်ရရှိနေပြီ ဖြစ်သည်။

“3G ကွန်ရက်ရရှိသော ဖုန်း တွေမှာ video call လို့ခေါ်တဲ့ နှစ်ဘက်ရုပ်မြင်ပြီး စကားပြောခြင်း များ၊ internet, email အစရှိ သဖြင့် သုံးစွဲခွင့်ရရှိနိုင်မှာဖြစ်ပါတယ်။ ဈေးကွက်အတွင်းမှာရှိတဲ့ ဟန်းဆက်အတော် များများမှာလည်း 3G ကွန်ယက်ကို ကောင်းကောင်း support  လုပ်တဲ့ ဟန်းဆက် အများအပြားရှိလာပြီ ဖြစ်ပါတယ်” ဟု service ပညာရှင်တစ်ဦးမှ ပြောသည်။ ဟန်းဆက် အရောင်းဈေးကွက်တွင်လည်း 3G ကွန်ရက် အတွက် အထောက်အပံ့ပေးနိုင်မည့် ဟန်းဆက်များကို နောက်ပိုင်းတွင် အလေးထား၍ တင်သွင်း လာခဲ့သည်။
“နောက်ပိုင်းဝင်တဲ့ဟန်းဆက် တွေက UMTS တို့ WCDMA တို့ကို ရနိုင်တဲ့ dual band အမျိုးအစားတွေဖြစ် လာပါတယ်။ GSM ကွန်ရက် 900/1800/1900 တို့ကို သုံးနိုင်သလို WCDMA 2100 ကို လည်း support ပေးကြတယ်။ အဲဒီဟန်းဆက်တွေမှာဆို video call အတွက် ကင်မရာနှစ်လုံးပါ တယ်။ WAP 2.0 တို့လို internet သုံးခွင့်ကိုလည်း အထောက်အပံ့ ပေးကြတယ်။ multimedia message တွေကိုလည်း ပေးနိုင် မယ်” ဟု Kan Htoo မိုဘိုင်းဆိုင်မှ ပြော ပြသည်။ ဟန်းဆက်ရောင်းချမှုများ မှာလည်း ဈေးကွက် ၏လိုအပ် ချက် များကို ဖြည့်တင်းပေးလျက်ရှိရာ အချို့မှာ 3G  အဆင့်ရှိဖုန်းများ သည် application ထည့်သွင်းခြင်း၊ ဂိမ်းကစားခြင်း၊ audio နှင့် video ကြည့်ခြင်းတို့ကဲ့သို့ multimedia စနစ်များမှာလည်း အထူးတလည် ကောင်းမွန်လာခြင်း ကြောင့် GSM  ရိုးရိုးကိုင်ဆောင် ထားသူများလည်း ၀ယ်ယူခဲ့ကြ ခြင်းဖြစ်သည်။

“ 3G အဆင့်ရှိတဲ့ဖုန်းဆိုပြီး ၀ယ်ယူခဲ့ခြင်းဖြစ်ပါတယ်။ ကိုယ့်မှာ အင် တာနက် ကွန်ရက်မရနိုင်တဲ့ GSM ဖုန်းဖြစ်ပေမယ့်လည်း သူ့ရဲ့ လုပ်ဆောင်မှုတွေကို သဘောကျတဲ့ အတွက် ၀ယ်ယူဖြစ်ခဲပါတယ်။အရင်သုံးတဲ့ ကျွန်တော့်ဖုန်းက smart phone  အမျိုးအစားပဲဖြစ် ပါတယ်။ ဒါပေမယ့် WCDMA တို့ကို ရပိုင်ခွင့်တော့ မရှိပါဘူး။ အခု နောက်ဆုံးဖုန်းကတော့ 3G အဆင့် ရှိပါတယ်” ဟု မိုဘိုင်းဖုန်းသုံးစွဲသူ လူငယ်တစ်ဦးမှ ရှင်းပြသည်။

3G အဆင့်ရှိဖုန်းများသည် ဈေးကွက်တွင် ဈေးနှုန်း ကြီးမြင့်ကြသော်လည်း ကြိုက်နှစ်သက်သူလူငယ်လူကြီး မရွေး ၀ယ်ယူကြခြင်းသည် 3G ဟန်းဆက်၏ အောင်မြင်မှုတစ်ခု ပင်ဖြစ်သည်။ 3G ဟန်းဆက်ကိုမှကြိုက်နှစ် သက်သူ လူငယ်တစ်ဦးမှ ပြောပြရာတွင် “ 3G  ဟန်းဆက်ရဲ့ အားသာချက်တွေက များပြား သလို၊ စတိုင် လည်းကျပါတယ်။ ကိုယ့်ရဲ့ဖုန်းက နောက်ဆုံးပေါ်ဖြစ် နေတာကိုလည်း သဘောကျပါတယ်။ အမှန်တကယ် လည်း လိုချင် ပါတယ်” ဟု၎င်း၏ ခံစားချက်ကိုပြော ပြသည်။ 3G ကွန်ရက်အား စိတ်ဝင်စားသူများမှာလည်း ““ WCDMA ကွန်ရက်ဆိုတာ 3G ကွန်ရက်လို့ သတင်းစာ၊ ဂျာနယ်တွေမှာဖတ် လိုက်ရလို့ သိရတယ်။ ကိုယ်တိုင် လည်း သုံးခွင့်ရရင်ကောင်းမယ်လို့ မျှော်လင့်ထားပါတယ်။ အင်တာနက် သုံးခွင့် ရမည်ဆိုရင်ပဲ အထူး ကို ကောင်းလှပါပြီ။ လျှောက်ထားသူတိုင်း ရနိုင်ခွင့်ရှိရင်တော့ ပိုပြီး ကောင်းပါလိမ့်မယ်”” ဟု ပြောပြခဲ့ သည်။

3G ကွန်ရက် ရရှိနေသောသူများသည် 3G  ဟန်းဆက်ရှိရန်လို အပ်လာပြီဖြစ်သည်။ အချို့ဟန်းဆက်များ သည် UMTS  သာရရှိပြီး WCDMA မရနိုင်သော 3G ဟန်း ဆက်များလည်းရှိသည်။ထို့ကြောင့် 3Gကွန်ရက် ရသော GSM  ဖုန်း များ မြန်မာပြည်တွင် တိုးပွားလာ ပါက၎င်းကိုကောင်းစွာ အထောက်အပံ့ပေးနိုင်မည့် 3G ဟန်းဆက် များလည်း ရောင်းအားတက်ဖွယ်ရှိ ကြောင်း ဈေးကွက်ပညာရှင်များ မျှော်လင့်ထားကြသည်။

လူငယ် များမှလည်း 3G ကွန်ရက်ရရှိလျှင် 3G ဖုန်းကိုင်၍ စတိုင်ထုတ်ဖို့ကြံ စည်ထားကြသလို လူကြီးများမှ လည်း မိမိ၏လုပ်ငန်းများ အဆင်ပြေချောမွေ့ဖို့ 3G  ဖုန်းသည် အထူး အရေးပါမည်ကို သိထားကြသည်။
3G ဟုဆိုလိုက်တာနှင့် သုံးစွဲဖို့ ပြင်ဆင်နေကြသော မြန်မာပြည်သူ ပြည်သားများအတွက် မြန်မာ့ဆက်သွယ် ရေး လုပ်ငန်းမှ စွမ်းဆောင် လျက်ရှိကြသည်။


Ref : Internet Journal