ဘောင်တွေကို ကျော်ကြည့်ပါ...

အမေရိကန်တွေ အာကာသထဲ့သွားတော့ကမ္ဘာ့မြေဆွဲအားမရှိတော့တဲ့ ဟင်းလင်းပြင်မှာ
သူတို့ ဘောပင်တွေက မှင်မထွက်တော့တာတွေ့ရတယ်။ဒီတော့ ပညာရှင်တွေ
နာရီထောင်ပေါင်းများစွာသုတေသနလုပ်၊ပိုက်ဆံဒေါ်လာသန်းပေါင်းများစွာသုံးပြီးချိန်မှာ
pump pen လို့ခေါ်တဲ့ ဖိအားပေးပြီးသုံးရတဲ့ ဘောလ်ပင်ကိုတီထွင်နိုင်ခဲ့တယ်။
အမေရိကန်ရဲ့ ပြိုင်ဖက်ဆိုဗီယက်တွေကအမေရိကန် ဒီပြသာနာဖြစ်နေတာကိုသိတယ်။
သူတို့ကတော့ အချိန်နာရီမကုန်ဘဲ ပိုက်ဆံလည်း ဘာမှ မကုန်ဘဲ ဒီပြသာနာကို
ဖြေရှင်းလိုက်နိုင်တယ်။
ဒါကတော့ သူတို့ အာကာသယာဉ်မူး တွေကို ခဲတံတွေပေးပြီး သုံးခိုင်းလိုက်တာပါ။

ဒီပြသာနာကို ပြန်ကြည့်ရင် အမေရိကန်တွေဟာ နည်းပညာရဲ့ ဘောင်ခတ်မူကိုခံရပြီး
ဘောင်ထဲက စဉ်းစား အဖြေရှာခဲ့တာ ဖြစ်တယ်။ဘောလ်ပင်ဟာ အောက်ကိုစိုက်ရေးမှ
ကမ္ဘာ့မြေဆွဲအားနဲ့ မှင်ထွက်တယ်ဆိုတဲ့ ယူဆချက်ကို ကိုင်ပြီး မြေဆွဲအားမရှိရင်
မြေဆွဲအားလို မှင်ကို ထွက်စေဖို့ ဘယ်လိုလုပ်မလဲဆိုတဲ့ သိပ္ပံဆိုင်ရာယူဆချက်ဘောင်
ထဲက စဉ်းစားခဲ့တာဖြစ်တယ်။ ဆိုဗီယက်တွေကတော့ ဘောလ်ပင် ရေးမရင် ရေးရတာ
ဘာရှိလဲလို့ လွတ်လပ်စွာ စဉ်းစားခဲ့တာဖြစ်တယ်။

ဒီတကယ့်ဖြစ်ရပ်မှန် အဖြစ်အပျက်လေးက ဘာကို ပြောနေသလဲဆိုတော့ လူတွေက သိခြင်းတတ်ခြင်းဆိုတဲ့ဘောင်တွေခတ်ခံထားနေရပြီး အဲဒီဘောင်တွေထဲကနေပဲ စဉ်းစားလုပ်ကိုင်နေကြတယ်ဆိုတာပါပဲ။

နောက်ဖြစ်ရပ်မှန် ဇတ်လမ်းလေးတစ်ခု ပြောပြချင်ပါတယ်။အီတလီနိုင်ငံ တူရင်မြို့မှာ
ကုလသမဂ္ဂ အရာရှိတွေရဲ့ ဦးစီးတက္ကသိုလ်ရှိတယ်။ သိတဲ့အတိုင်း ကုလသမဂ္ဂအရာရှိ
ဖြစ်တယ်ဆို ကတည်းက နိုင်ငံတကာ ထိပ်သီးတက္ကသိုလ်တွေက ပါရဂူဘွဲ့တွေ၊
မဟာဘွဲ့တွေရထားတဲ့ တကယ့် ပညာရှင်ကြီးတွေပေါ့။

အဲဒီလူတွေကိုမေးခွန်သုံးခုမေးတယ်။ ဘယ်သူမှမဖြေနိုင်ဘူး။ဖြေတဲ့အဖြေတွေကလည်း
လက်မခံနိုင်တဲ့ အဖြေတွေ၊ ဒါနဲ့ကျောင်းအုပ်ကြီးက အဲဒီလူတွေကို ဘေးနားက
မူကြိုကျောင်းလေးကို ခေါ်သွားပြီး ကလေးတွေကို အဲဒီမေးခွန်မေးတော့ ကလေး
အကုန်နီးပါးက ဖြေနိုင်တာကို တွေ့ရတယ်။ဘာလို့ဖြေနိုင် သလဲဆိုတော့ ကလေးတွေမှာ
ဘာအသိပညာ၊ အတတ်ပညာ ဘောင်တွေမှ ခတ်ထားခြင်း မခံရသေးလို့ လွတ်လပ်စွာ စဉ်းစားနိုင်ခဲ့တယ်ဆိုတာ တွေ့ရတယ်။

အဲဒီမေးခွန်းတွေကတော့

(၁) ဆင်နဲ့ သစ်ကုလားအုတ်ကို ရေခဲသေတ္တာထဲ ဘယ်လို့ ထည့်မလဲ။

(၂) တောဘုရင် ခြင်္သေ့ ကြီးက တောနေသတ္တ၀ါအားလုံးကို အစည်းဝေးခေါ်တယ်။
ဘယ်သူတွေ မလာဘူးလဲ၊ဘာလို့ မလာတာလဲ။

(၃) မိချောင်းတွေပေါတဲ့ချောင်းကို ရေထဲဖြတ်ပြီးဘယ်အချိန်ကူးမလဲဆိုတဲ့
မေးခွန်းသုံးခုပါ။

ကဲ…….သင်စဉ်းစားပြီး ဖြေကြည့်ပါ။
ဒါပေမဲ့ ပြောနိုင်တာ တစ်ခုကတော့သင်လည်းသိမြင်တတ်သိထားတဲ့
ပညာဘောင်တွေထဲကပဲ စဉ်းစားပြီး အဖြေမရနိုင်ဘူး ဆိုတာပါပဲ။

နောက်ဖြစ်ရပ်မှန်တစ်ခု ကတော့ ပေါင်ဒါကုမ္ပဏီတစ်ခုမှာ ဖြစ်တာပါ။ အဲဒီကုမ္ပဏီ ဟာ မာကတ်တင်း(Marketing) နည်းမျိုးစုံ သုံးပြီးအရောင်းမြင့်တင်ခဲ့ရာမှ အရောင်းက
တစ်ရှိန်ထိုး တက်ပြီး တစ်နေရာမှာ အရောင်းတန့်သွားပါတယ်။ ကုမ္ပဏီပိုင်ရှင်က
အစည်းဝေးခေါ်ပြီး အရောင်းကို နောက်ထပ်သုံးပုံတစ်ပုံတက်ချင်သေးတယ်။
ဒါပေမဲ့ ကွာလတီလည်း မလျှော့ဘူး၊ ဈေးလည်း မတင်ဘူး၊ ပေါင်ဒါတစ်ဘူးစီမှာ
ထည့်တဲ့ ပေါင်ဒါမူန့် အလေးချိန်လည်း မလျှော့ဘူးလို့ ပြောပါတယ်။

စီနီယာမာကတ်တင်းတွေက အကြံတွေတစ်ခုပြီးတစ်ခုပေးပေမယ့် အသုံးမတည့်ဘူး
ဖြစ်နေတယ်။အဲဒီအချိန် နောက်ဆုံးမှာ ကုတ်ကုတ်လေး ထိုင်နေတဲ့ မာကတ်တင်း
ဝန်ထမ်းကလေးကထပြီး အကြံတစ်ခု ပေးပါတယ်။ကျန်တဲ့သူတွေကသူပေးတဲ့ ideaကို
ဝိုင်းရယ်ပေးမယ့် အဲဒီ့ ကုမ္ပဏီဟာ ဒီဝန်ထမ်းအသစ်လေးပေးတဲ့အကြံနဲ့ပဲ အရောင်း
သုံးပုံ တစ်ပုံတက်သွားတယ်။ သူ ဘာအကြံပေးခဲသလဲ... ??????????

သူပေးတာကတော့ ပေါင်ဒါသုံးသူတွေပုံမှန်ထက်အချိန်သုံးပုံးတစ်ပုံစောပြီးကုန်အောင်
လက်ရှိ ပေါင်ဒါဘူးက အပေါက်တွေရဲ့ အကျယ်ကို သုံးပုံ တစ်ပုံထပ်ချဲု့ ပေးဖို့ပါ။
သင်ရော ဒီလို တွေးမိခဲ့ပါလား...... ??????

အမေရိကန်ရဲ့ ပထမဆုံး သမ္မတ ဂျော့ခ်ျဝါရှင်တန် ငယ်စဉ်က သူ့အိမ်ကပန်းသီးပင်ကြီး
ကို ပုဆိန်နဲ့ ခုတ်လှဲခဲ့ပါတယ်။ အဖေက ဘာလို့ ခုတ်လှဲခဲ့သလဲ ဆိုပြီး ဆူတော့ သူက
သူ့အပြစ်ကို ၀န်ခံပါတယ်။ သူ့အဖေကလည်း သူ့ကို မရိုက်ပါဘူး။ ဒီနေရာမှာ ဘာလို့
သူ့အဖေက မရိုက်တာလဲဆိုတဲ့ မေးခွန်ကို ကျောင်းတွေ တော်တော်များများမှာ
မေးခဲ့ကြပြီး ဆရာတွေကိုသူတို့ တပည့်တွေပေးတဲ့ စံပြ အဖြေကတော့ အပြစ်ကို
ဝန်ခံလို့ မရိုက်တာဖြစ်ပါတယ်။ ဒါပေမဲ့ ကလေးတစ်ဦးကတော့ ဂျော့ခ်ျဝါရှင်တန်
လက်ထဲမှာ ပုဆိန်ကြီး ကိုင်ထားလို့ သူအဖေက သူရိုက်ရင် ထခုတ်မှာစိုးလို့မရိုက်တာ
လို့ ဖြေခဲ့ဖူးပါတယ်။ ဒါရော အဖြေမှန်တစ်ခု မဖြစ်နိုင်ဘူးလား။ ဒါပေမဲ့ ပညာတွေ။
ယဉ်ကျေးမူ ထုံးတမ်း ဓလေ့တွေနဲ့ဘောင်ခတ်ထားတဲ့ ဒီကမ္ဘာမှာ ဒီကလေးရဲ့ အဖြေက
မှတ်တမ်း တင်မခံခဲ့ရပါဘူး။

ခုနက မေးခွန်သုံးခုရဲံ အဖြေတွေကို အခု ဖြေပေးပါမယ်။

(၁)အဖြေကတော့

ဆင်နဲ့သစ်ကုလားအုတ်ကို ရေခဲသေတ္တာထဲကို ထည့်မယ်ဆိုရင် ရေခဲသေတ္တာရဲ့
တံခါးကိုဖွင့်ပြီးမှ ထည့်လိုရမှာ ဖြစ်လို့ ပထမအဖြေကတော့

တံခါးဖွင့်ထည့်ရမယ်ဆိုတာပါပဲ ဖြစ်တယ်။

ရေခဲသေတ္တာဟာ ဘယ်အရွယ်ပဲရှိတယ်ဆိုတာ သိတဲ့သူတွေက ဒီအဖြေကို
မပေးခဲ့တာဖြစ်ပါတယ်။ ရေခဲသေတ္တာ ကိုဒီအကောင်တွေထည့်ဖို့ ကြီးကြီးလုပ်ရင်
မရဘူးလား။ ရေခဲသေတ္တာဆိုတာ ဘယ်အရွယ်ထက်မကြီးရဘူးလို့ ကန့်သတ်ထား
လို့လား။ ........ မထားပါဘူး။
ကိုယ်မြင်ဘူးတဲ့ အတိုင်းအတာကြောင့် ယုတ္တိကျတဲ့အဖြေကို မပေးနိုင်ခဲ့ကြတာပါ။

ဒီတစ်ခုအဖြေရရင် ကျန်တာတွေက လွယ်သွားပါပြီ....။

(၂)အဖြေကတော့

ခြင်္သေ့ကြီးခေါ်တဲ့ အစည်းအဝေးပျက်ကွက်တာ ဒီနှစ်ကောင်ပေါ့။ သူတို့က
ရေခဲသေတ္တာထဲ အပိတ်ခံထားရတာကိုး။

(၃)နောက်ဆုံးအဖြေ

ဒီအချိန်ဆို သိလောက်ပြီထင်ပါတယ်။
မိချောင်းတွေ အစည်းဝေးတက်နေချိန်မှာ ချောင်းကို ဖြတ်ကူးမှာပေါ့။

တကယ်တော့ ဘောင်တွေ၊ စည်းတွေကို ကျော်ပြီး စဉ်းစား ကြည့်ရင် လောကမှာ
ခက်ခဲတယ်ဆိုတဲ့ ပြသာနာတွေရဲ့ အဖြေဟာ ရှင်းရှင်းလေးတွေပါဆိုတာ ဒီဥပမာအရ
သိနိုင်ပါတယ်။ ဒါကြောင့် လည်း ကမ္ဘာကြီးမှာ အခုဆိုရင် out of the box
ဆိုတဲ့ စကားခေတ်စားလာပါတယ်။

စည်းမျဉ်းဘောင်ခတ် သတ်မှတ်ချက်တွေအပြင်ဘက်ကနေတွေးတော ကြံစည်တာ
ဖြစ်ပါတယ်။ နောက်နောင် သင့်ဘ၀မှာ ခက်ခဲတဲ့ ပြသာနာတွေ ရင်ဆိုင်ရရင်
ဘောင်တွေ စည်းတွေ မခတ်ဘဲ လွတ်လွတ်လပ်လပ် စဉ်းစား ကြည့်ပါ။
သင့်အတွက် အကောင်းဆုံးနဲ့ အသင့်လျော်အဖြေက လွယ်လွယ်လေးနဲ့
ရလာပါလိမ့်မယ်။



...................

The Bizarre Behaviors of Singaporeans

(စင်္ကာပူနိုင်ငံမှာ ၉ နှစ်ကြာ နေထိုင်သွားခဲ့တဲ့ ဂျာမန်နိုင်ငံသားတယောက်ရဲ့
လေ့လာတွေ့ရှိချက်တွေလို့ အဆိုရှိပါတယ်။ ဟုတ်မဟုတ် မသေချာပါ။
ဒါပေမယ့် စင်္ကာပူကအခြေအနေတွေကို တော်တော်လေး မှန်ကန်စွာ
ထင်ဟပ်ပြနိုင်ပြီး ပြုံးချင့်စဖွယ်လည်းဖြစ်လို့ ပါ။)

၄၄ နှစ်ကြာ စီးပွားရေးနဲ့ ရုပ်ဝတ္ထုပိုင်းဆိုင်ရာအရ အောင်မြင်မှုရခဲ့တဲ့နောက်ပိုင်း
စင်္ကာပူနိုင်ငံသားတွေမှာ ထူးဆန်းတဲ့ အပြုအမူ အလေ့အထတွေ ဖြစ်ပေါ်လာပါသတဲ့။

သူတို့ဟာ အိမ် (သို့မဟုတ်) တိုက်ခန်း တခန်းကို ငွေအမြောက်အမြား ပေးဝယ်ပြီး
ပရိဘောဂတွေနဲ့ နန်းတော်ကြီးတမျှ ပြင်ဆင်တတ်ကြပါသတဲ့။ ဒါပေမယ့် အဲဒီအိမ်မှာ
နေတဲ့အချိန်က နည်းပါးပြီး အပြင်မှာ၊ အထူးသဖြင့် အလုပ်ထဲမှာ အချိန်ဖြုန်းတာ
များပါတယ်။ သူတို့ရဲ့ သန်းချီတန်တဲ့ ပိုင်ဆိုင်မှုတွေကို အမှန်တကယ် စံစားနေကြ
သူတွေကတော့ သူတို့အိမ်က အိမ်ဖော်များသာ ဖြစ်ပါသတဲ့။

သူတို့ဟာ မော်တော်ကားတွေကို ဈေးကြီးပေးဝယ်ယူကြတယ်။ ကမ္ဘာပေါ်မှာ
မော်တော်ကားဈေး အမြင့်ဆုံးနိုင်ငံလို့တောင် ဆိုနိုင်ပါတယ်။ ဝယ်ပြီးတာနဲ့ ကားကို
အိမ်မှာပဲ ရပ်ထားတော့တယ်။ အပြင်မှာ ထုတ်မောင်းဖို့ အင်မတန်ဈေးကြီးပါတယ်။
ERP လို့ခေါ်တဲ့ လမ်းဂိတ်ကြေးကောက်တဲ့ ဂိတ်တွေဟာ အများအပြား ရှိနေပြီး
မော်တော်ယာဉ် ရပ်နားခကိုလည်း နေရာတိုင်းလိုလိုမှာ ပေးရပါတယ်။
ဒါကြောင့်မို့ သူတို့ကားကို အိမ်မှာ ရပ်ထားပြီး အဖိုးအခသက်သာစွာနဲ့ အဆင်ပြေတဲ့
အများသုံး သွားလာရေးစနစ် (ဘတ်စ်ကား၊ MRT စသည်) ကိုပဲ သုံးကြဖို့ တွန်းအား
အပေးခံရပါတယ်။

စင်္ကာပူနိုင်ငံသားတွေ ခရီးထွက်ကြတဲ့အခါ ပတ်ဝန်းကျင်ကို လှည့်လည်ကြည့်ရှုမယ့်
အစား ရှော့ပင်း (ဈေးဝယ်) ထွက်ကြပါတယ်။ အံ့သြဖို့ကောင်းတာကတော့ စင်္ကာပူက
တရုတ်တန်းနဲ့ ညဈေးတွေမှာ ဈေးသက်သက်သာသာနဲ့ ပေါပေါလောလော
ဝယ်လို့ရတဲ့ပစ္စည်းတွေကို နိုင်ငံခြားမှာ အသည်းအသန် ဈေးဆစ်ပြီး ဝယ်ယူတတ်
ကြပါတယ်။ ပြီးတော့… အဲဒီလို ဈေးဆစ်ပြီး ဝယ်နိုင်ခဲ့တာကိုပဲ ပျော်နေတတ်ကြပါ
သေးတယ်။

စင်္ကာပူနိုင်ငံသားအများစုဟာ ရှင်သန်နိုင်ဖို့ အသည်းအသန် မနည်းရုန်းကန်
နေကြရပါတယ်။ အဲဒီကိစ္စနဲ့ ပတ်သက်ပြီး မကျေနပ်လို့ ထုတ်ဖော်ပြောကြားမိရင်
“မကျေနပ်ရင် ထွက်သွားလိုက်” လို့လည်း အပြောခံရတတ်ပါသေးတယ်။
ချမ်းသာကြွယ်ဝပြီး စင်္ကာပူက ဘဝကို အင်မတန် သဘောကျနှစ်သက်နေပါတယ်ဆိုတဲ့ နိုင်ငံသားများကတော့ အရေးအကြောင်းဆိုရင် ဒီသုခဘုံကလေးကနေ အလျှင်အမြန်
ထွက်သွားနိုင်ဖို့ နိုင်ငံရပ်ခြားမှာ အိမ်တွေယာတွေ ဝယ်ယူထားကြပါတယ်။

စင်္ကာပူနိုင်ငံသားအများစုဟာ ဒီနိုင်ငံကနေ ရွှေ့ပြောင်းပြေးနိုင်ဖို့ စဉ်းစားနေကြတယ်။
ပြင်ဆင်နေကြတယ်။ အဲဒီအချိန်မှာ အခြားနိုင်ငံများမှ ရွှေ့ပြောင်းအခြေချလာသူ
လူသစ်များကတော့ သူတို့နေရာကို အစားထိုးဝင်ရောက်နေကြလေရဲ့။

အထူးဆန်းဆုံးကတော့ စင်္ကာပူနိုင်ငံသားတွေဟာ သူတို့ အစိုးရရဲ့ ပေါ်လစီတွေနဲ့
ပတ်သက်ပြီး အမြဲတစေ ငြီးတွားပြောဆိုနေတတ်ကြပေမယ့် ရွေးကောက်ပွဲလည်း
ရောက်ရော ဒီအစိုးရကိုပဲ မဲထည့်ပြီး အာဏာပြန်လည် အပ်နှင်းတတ်ကြပါတယ်။




......................

2012 ခုနှစ်မှာ ကမ္ဘာပျက်မှာလား

မြန်မာနိုင်ငံ အပါအ၀င် ကမ္ဘာတလွှားက အင်တာနက် သုံးစွဲသူတွေဆီကို
Forward Mailအနေနဲ့ ပျံနှံ့ရောက်ရှိနေခဲ့တဲ့ မေးခွန်းကတော့
“၂၀၁၂ခုနှစ်မှာ ကမ္ဘာပျက်မှာလား”ဆိုတဲ့ မေးခွန်းပါ။ နီဘီရူယှဉ်တွဲမှုဖြစ်ရပ်
(Nibiru Collision)လို့ ခေါ်ကြတဲ့ အဲဒီကိစ္စဟာ တကယ်ဖြစ်လာမှာ မဟုတ်ပါဘူးလို့
NASA (အမေရိကန် အမျိုးသား အာကာသ အေဂျင်စီ)က ပညာရှင်တစ်ဦးက
ပြောသွားခဲ့ပါတယ်။ နီဘီရူကိစ္စဟာ ကြီးမားလှတဲ့ ဂြိုဟ်အပိုင်းအစကြီးတစ်ခု
ကမ္ဘာမြေကို (၂၁)ရာစုအစောပိုင်းမှာ တိုက်ရိုက်ထိမှန်မယ်(ဒါမှမဟုတ်)ကမ္ဘာနားက ကပ်ပြီးဖြတ်သွားမယ်ဆိုတဲ့ အယူအဆကို အခြေခံပြီး လူပြောများလာတာပါ။

ဒီအကြောင်းကို (၁၉၉၅)ခုနှစ်က zetatalk၀က်ဘ်ဆိုက် တည်ထောင်သူ အမျိုးသမီး
နန်စီလေဒါက စပြီးတော့ ဖော်ထုတ်ခဲ့တာပဲ ဖြစ်ပါတယ်။ နန်စီဟာသူ့ကိုယ်သူ စိတ်ဝိဥာဉ် ပေါင်းကူးနိုင်စွမ်းရှိတယ်လို့ ကြေညာထားပြီး Zeta Reticuli ကြယ်စင်ကြီးက
တခြားသက်ရှိတွေနဲ့ စိတ်ချင်းစကားပြောနိုင်တယ်လို့ ဖော်ထုတ်ပြောကြားခဲ့ပါတယ်။
သူဟာ ပထမဆုံး မေလ(၂၀၀၃)ခုနှစ်မှာ ကမ္ဘာရှိတဲ့ နေစကြာဝဠာတစ်ခုလုံး ပျက်သုဉ်း
တော့မယ်လို့ သူ့ကိုမိတ်ဆွေဂြိုဟ်သားတွေက အသိပေးတယ်လို့ ပြောခဲ့ပါတယ်။
နောက်ပြီးတော့ တကယ်တမ်း ကမ္ဘာပျက်မှာ (၂၀၁၀)ခုနှစ်ဝန်းကျင်လို့ ပြောင်းပြီးပြော
ပြန်ပါတယ်။ ဘာကြောင့်လဲဆိုတော့ ၀င်ရိုးစွန်းနေရာ ရွေ့သွားတာကြောင့်မို့လို့ပါဆိုပြီး
နန်စီက ပြောခဲ့သလို အဲဒီနောက်မှာတော့ လူသားမျိုးပြုတ်မယ့် ဖြစ်ရပ်ဆိုးကြီး ကြုံတွေ့
မယ့်ကမ္ဘာပျက်သောနေ့ (Doomsday)ကို ကြုံရတော့မယ်လို့ ခြိမ်းခြောက်ခဲ့ပါတယ်။

ဒီအတွေးအခေါ်အရ ကမ္ဘာနဲ့ရွယ်တူလောက်ရှိတဲ့ ဂြိုဟ်ပဲ့ကြီးတစ်ခုဟာ (၂၀၁၂)ခုနှစ်
လောက်မှာ လူသားတွေနေတဲ့ ကမ္ဘာကို ဦးတည်ရောက်ရှိလာမှာပါတဲ့။ တိုက်ရိုက်
တိုက်မိခဲ့ရင် ကမ္ဘာတစ်ခုလုံး ပျက်စီးသွားမှာဖြစ်သလို ကပ်ပြီးဖြတ်သွားရင်တောင် အရှိန်ပြင်းလွန်းတာကြောင့် လူသားမျိုးနွယ် ပြုတ်ပြုတ်ပြုန်းလုနီးပါး ဖြစ်သွားမယ်လို့
ဆိုပါတယ်။

နန်စီရဲ့ လက်တွေ့မကျတဲ့ အယူအဆဟာ အစွန်းရောက် ဘာသာရေး အဖွဲ့တွေရဲ့
ဝါဒဖြန့်မှုနဲ့အတူ ကြီးထွားလာပြီး “(၂၀၁၂)မှာ ကမ္ဘာပျက်မှာလား”ဆိုတဲ့ မေးခွန်းကို
လူပြောများလာခဲ့တာ ဖြစ်ပါတယ်။ ကမ္ဘာပျက်မယ့်နေ့လို့ ခန့်မှန်းထားတဲ့ အဲဒီဖြစ်ရပ်
ကြီးကို Code Name အနေနဲ့ ပေးထားတဲ့ နီဘီရူဆိုတာ ရှေးဟောင်း ဘေဘီလုံ
လူမျိုးစုတွေရဲ့ နက္ခဗေဒ ပညာရပ်ထဲက ဆိုးရွားကြမ်းကြုတ်တဲ့ အချိန်ကာလတစ်ခုရဲ့
နာမည်ကို မှည့်ခေါ်ထားတာပါ။ နောက်ပြီးတော့ “ကောင်းကင်ဘုံရဲ့အလွန်”လို့လည်း
အဓိပ္ပါယ် သတ်မှတ်နိုင်ပါတယ်။

ကမ္ဘာပျက်မယ့်နေ့ဆိုတဲ့ အခြေအမြစ်မရှိ ခန့်မှန်းအတွေးအခေါ်တွေအရ Xဂြိုဟ်
(ဒါမှမဟုတ်) နီဘီရူလို့ နာမည်ပေးထားတဲ့ စကြာဝဠာ ဂြိုဟ်ပဲ့ကြီးတစ်လုံးဟာ
ကမ္ဘာကို (၂၀၁၂)ခုနှစ်မှာ တိုက်ရိုက်ဝင်တိုက်တော့မှာလို့ ယုံကြည်နိုင်ပါတယ်။

NASAရဲ့ ပညာရှင် တစ်ဦးဖြစ်တဲ့ ဒေးဗစ်မော်ရစ်ဆန်ကတော့ ဒီကိစ္စကို ရယ်စရာ
အိပ်ယာဝင် ပုံပြင်ကောင်းတစ်ခုလို့ ယူဆထားတာပါ။ “နီဘီရူဆိုတာ ကျွန်တော်တို့ရဲ့ လက်တွေ့လေ့လာမှုထဲမှာ လုံးဝမရှိတဲ့အရာဆိုတာ ခင်ဗျားတို့ သိဖို့တော့ လိုမှာပါ”လို့
မော်ရစ်ဆန်က Washington Post သတင်းစာကြီးနဲ့ အင်တာဗျူးမှာ ပြောသွားပါတယ်။
(၂၀၁၂)ခုနှစ်မှာ ကမ္ဘာနဲ့ Xဂြိုဟ်ဝင်တိုက်လို့ ကမ္ဘာကြီး ပျက်တော့မယ်ဆိုတာဟာ လူ့သမိုင်းခေတ်သစ်တစ်ခုကို စတော့မယ်လို့ စိတ်ကူးယဉ်ဇာတ်ကားကောင်းကောင်း
ရိုက်ချင်နေတဲ့ ဟောလီးဝုဒ် ကုမ္ပဏီတွေအတွက် အခွင့်အရေးကောင်းတစ်ခုထက်
ဘာမှမပိုဘူးလို့ မော်ရစ်ဆန်က ဆိုပါတယ်။

ရှေးဟောင်းဆူမားရီးယန်း မျိုးနွယ်စုတွေရဲ့ မှတ်တမ်းထဲမှာ Zenchriaဆိုတဲ့
ခေတ်တစ်ခုတုန်းက နီဘီရူဆိုတဲ့ ကြယ်ကြီးကို မြင်လိုက်ရတဲ့အကြောင်း
မှတ်တမ်းကလွဲပြီး သမိုင်းတလျှောက် ဘယ်သူမှ နီဘီရူဆိုတဲ့
စကြာဝဠာထဲက ဂြိုဟ်ပဲ့ကြီးအကြောင်း ပြောခဲ့၊ ရေးခဲ့တာ မရှိပါဘူး။

တကယ်တော့ဒါဟာ လူ့သမိုင်းကို အခြေခံ ခုတုံးလုပ်ပြီး လုပ်ကြံထားတဲ့ ဇာတ်လမ်းသာ
ဖြစ်ပါတယ်လို့ မော်ရစ်ဆန်က ပြောပြခဲ့ပါတယ်။ ဘာကြောင့်လည်းဆိုတော့ မာယာ
လူမျိုးစုတွေရဲ့ ကာလရှည်ကြာ ပြက္ခဒိန်ကလည်း (၂၀၁၂)ခုနှစ်ကျရောက်တဲ့အချိန်မှာ
ကမ္ဘာပျက်မယ်လို့ ဇာတ်လမ်းကောင်းကောင်းလေးတစ်ခု ဖန်တီးထားခဲ့တာကလည်း
ရှိနေတာမို့ပါ။

Mayan Temple

Mayan Calender














မာယာတွေ ယုံကြည်ထားတာအရ Batun 13 ဆိုတဲ့ အချိန်ယန္တယားစက်ဝိုင်း ကုန်ဆုံးသွားပြီးတဲ့အချိန်ဖြစ်တဲ့ (၂၀၁၂)ခုနှစ်လောက် ကာလမှာ Batun 14ဆိုတဲ့
အချိန်စက်ဝိုင်း နောက်တစ်ခု စပါလိမ့်မယ်။ အဲဒီအချိန်မှာ ကမ္ဘာတစ်ခါပျက်မယ်လို့
ဆိုထားတာကိုး။ ဒါပေမယ့် သိပ္ပံပညာရှင်တွေကတော့ (၂၀၁၂)ခုနှစ်မှာ ကမ္ဘာကြီးကို
ဘယ်အာကာသ တိုက်ခိုက်မှုမှ ရောက်လာမှာ မဟုတ်ဘူးလို့ အာမခံထားပါတယ်။
ကမ္ဘာပျက်မယ့်နေ့ကို အတိအကျ မသိနိုင်ပေမယ့် (၂၀၁၂)ခုနှစ်ထိတော့ ကမ္ဘာဟာ
အကောင်းအတိုင်း ရှိနေမှာပါ။

အရင်ကလည်း ခုလိုမျိုး ကမ္ဘာပျက်မယ်ဆိုတဲ့ စိတ်ကူးယဉ် ကောလဟာလတွေ ရှိခဲ့တဲ့
ဥပမာတွေ အများကြီးပါ။ ထင်ထင်ရှားရှား တစ်ခုအနေနဲ့ အက်ပေါ့ဟစ် (Apophis)ဆိုတဲ့ ဂြိုဟ်သိမ်ဂြိုဟ်မွှားကြီး တစ်ခုဟာ ကမ္ဘာနားက (၂၀၂၉)၊ (၂၀၃၆)နဲ့ (၂၀၆၈) ခုနှစ်တွေမှာ
(၃)ခါဖြတ်သွားပြီး အဲဒီအချိန်ကျရင် လူတွေသောက်သောက်လဲ သေကြမယ်လို့ သတင်းကြီးခဲ့ပါသေးတယ်။

ဒါပေမယ့် တိုင်းတာမှုတွေအရ အဲဒီဂြိုဟ်သိမ်ကြီး ကမ္ဘာနားကဖြတ်သွားချိန်မှာ
အနည်းဆုံး မိုင်(၁၈၀၀၀)လောက် ဝေးနေမှာဖြစ်ပြီး ဒါဟာ လုံးဝလုံခြုံစိတ်ချရတဲ့
အကွာအဝေးပါလို့ ပညာရှင်တွေက အတိအလင် ခိုင်ခိုင်မာမာ ပြောကြားထားပါတယ်။
ဘာပဲဖြစ်ဖြစ် (၂၀၂၉)ခုနှစ်နား နီးလာရင် “အက်ပေါ့ဟစ်ကြီး ကမ္ဘာကို
ဝင်တိုက်ရင် ဘယ်လိုလုပ်မလဲ”ဆိုတာ တွေ့ရကြုံရ၊ ဗျာများရအုံးမယ့် မေးခွန်းပါ။
“အဲဒီအခါကျတော့လည်း ကျွန်တော်တို့က ပြည်နယ်တစ်ခုစာလောက်တော့
ပြာကျသွားမှာပေါ့လို့ ဖြေလိုက်ကြတာပေါ့”လို့ မော်ရစ်ဆန်က ရယ်ရယ်မောမော
ပြောသွားခဲ့ပါတယ်။




....................

Funny Collection - 3

(နှစ်ဦးသဘောတူ)

မောင်ရိုးဆိုသူ လူငယ်တစ်ဦးအားမိဘများက အိမ်ထောင်ပြုရန်ပြောသည်။
မိဘများသဘောတူနေသောမိန်းခလေး အရုပ်ဆိုးသောလည်း အလွန်ချမ်းသာသည်။
မောင်ရိုးကြိုက်နေသောမိန်းခလေးမှာ ဆင်းရဲသော်လည်းချောလှ၏။
ကဲ...မောင်ရိုး မင်းကြိုက်နေသောမိန်းခလေးးကိုယူမလား။
ငါတို့ပေးစားမဲ့မိန်းခလေးကိုယူမလား။
မောင်ရိုး သေချာစဉ်းစားပြီးမှ မိဘများကိုပြောလိုက်သည်....
အမေတို့သဘောတူတဲ့မိန်းခလေးအိမ်မှာထမင်းစားသောက်ပြီး
........သားကြိုက်တဲ့မိန်းခလေးအိမ်မှာအိပ်မယ်ဗျာ နော်....

(ညီမျှသလိုပဲ)

အသက်၄၀ခန့်ရှိသောလူပျိုသိုးကြီးသည် မိဘများအား
အိမ်ထောင်ပြုချင်ကြောင်း ဖွင့်ဟပြောသည်။
ထိုအခါမိဘဖြစ်သူတို့က ရိုးအသော သားအကြာင်းသိသဖြင့် ဒါဆိုမေမေတို့က
မင်းနဲ့ရှေ့သွားနောက်လိုက်ညီမဲ့ အသက်၃၀ကျော်မိန်းခလးတစ်ယောက်ရှာပေးမယ်နော်။
ထိုအခါလူပျိုသိုးကြီးက မျက်နှာငယ်လေးဖြင့်.......
မေမေတို့စကားလည်းနားထောင်ပြီးသားဖြစ်အောင် သားလိုချင်တာလည်းဖြစ်အောင်
အသက် ၁၆ နှစ်အရွယ် နှစ်ယောက်ယူလို့မရဘူးလားမေမေ...

(ခိုင်းနည်းသစ်)

ယောင်္ကျားဖြစ်သူသည် ဘာခိုင်းခိုင်းအလွန် အပျင်းထူသည်။
မိန်းမဖြစ်သူသည်အားလပ်ချိန်တွင်ယောကျာင်္းကိုခြံထဲဆင်းပြီး သစ်ပင်စိုက်စေချင်သည်။
သို့သော် တော်တော်နဲ့ခိုင်းလို့ရမည်မဟုတ်။ တစ်နေ့တွင် အကြံရကာမိန်းမဖြစ်သူက....
`ရှင်ခြံထဲဆင်းပြီးဘာမှမလုပ်တော့ဘူးလား၊သြော်အင်းလေ မလုပ်နိုင်ရင်လဲနေပါစေ။
အသက်လည်းရလာပြီဆိုတော့ အဘိုးကြီးလည်းဖြစ်တော့မှာဘဲလေ´
မကြာမီ သူ၏ယောင်္ကျားထပြီးခြံထဲဆင်း အလုပ်လုပ်လေသည်။


(လက်တည့်လာလို့ပါ)

လင်မယားနှစ်ဦးကွာရှင်းပြတ်ဆဲမည်ဟု ရုံးတော်သို့ရောက်လာသည်။
ယောင်္ကျားဖြစ်သူက...ဒီမိန်းမအားကွာရှင်းချင်ပါတယ်...
တရားသူကြီးက.....သီးမခံနိုင်အောင်ဘာကြောင့်များလဲ
ယောင်္ကျားဖြစ်သူက...ဒီမိန်းမနဲ့လက်ထပ်ပြီးတဲ့နှစ်၂၀လုံးလုံးမှာ
သူစိတ်တိုင်းမကျရင်တွေတဲ့အရာနဲ့ကောက်ကောက်ပေါက်ပါတယ်။
ဒါကြောင့်သီးမခံနိုင်တာပ­ါ။
တရားသူကြီးက....နှစ်၂၀လုံးသီးခံပြီးမှဘာလို့ရုံးတော်ကိုလာတိုင်ရတာလဲ။
ယောင်္ကျားဖြစ်သူက...ဒီမိန်းမရဲ့လက်ကအခုမှပိုပြီးလက်တည့်လာလို့ပါ...

(ကြိုက်နေလို့ပါ)

ဒီအမျိုးသမီးကို ခင်များ ဘာလို့အဓမ္မ ကျင့်ရတာလဲ" တရားခံကို
တရားသူကြီးကမေးသည်..။
"သူ့ကို ကျနော်ကြိုက်လို့ပါ"ဟုတရားခံက မျက်လုံးနှစ်ဖက် ကို
လက်နှင့်ပိတ်ရင်းပြန်ဖြေသည်..။
"ဒီယောက်ျားကိုရော ဘာဖြစ်လို့အဓမ္မ ကျင့်ရပြန်တာလဲ "
ဟုတရားသူကြီးကထပ်မေးသည်..။
"သူ့ကိုကျနော်ကြိုက်လို့ပါ "ဟုတရားခံကမျက်လုံးနှစ်လုံးကို
လက်ဝါးဖြင့်ပိတ်ရင်းပြန်ဖြေသည်။
'ဒါနဲ့နေပါအုံး ခင်များဘာဖြစ်လို့ မျက်လုံးကိုလက်နှစ်ဖက်နဲ့
ပိတ်ပြီးဖြေနေရတာတုန်း "
"တရားသူကြီးမင်းကိုလည်း ကျနော်ကြိုက်နေလို့ပါ..။"


(မထူးပါဘူး)

လမ်းတွင် ဖိနပ်အနီတစ်ဖက်၊အနက်တစ်ဖက်မှား စီးလာသော 
ကလေးတစ်ဦးကိုတွေသဖြင့်    လူကြီးတစ်ဦးက...
`ဟေ့ချာတိတ် မင်းဖိနပ်အနီတစ်ဖက် ၊အနက်တစ်ဖက် ဖြစ်နေတယ်၊ 
အိမ်ပြန်လဲလိုက်အုံး´
ဟာ...အိမ်ပြန်လည်း မထူးပါဘူး ဦးဦးရာ...
`ဘာဖြစ်လို့လဲကွ`
`အိမ်မှာလည်း ဖိနပ်အနီတစ်ဖက်၊အနက်တစ်ဖက်ပါဘဲဗျာ.....



....................................

Windows 7နှင့်Mac Snow Leopard

ကမ္ဘာ့ကွန်ပျူတာတွေရဲ့ Operation Systemလောကမှာ အထင်ကရ
အဖြစ်ဆုံး(၂)ခုဟာ ထိပ်တိုက်တွေ့ဖို့ အလားအလာ များနေပါပြီ။
Microsoftရဲ့ Windows 7ဟာ အောက်တိုဘာ (၂၂)ရက်နေ့မှာ တရားဝင်
ရောင်းချတော့မှာဖြစ်ပြီး အဲဒီမတိုင်ခင် လပိုင်းအလိုမှာ
Appleရဲ့ Mac Operation Systemဖြစ်တဲ့ Snow Leopard
နောက်ဆုံးVersionလည်း ဩဂုတ်လ (၂၈)ရက်နေ့မှာ ထွက်လာခဲ့ပြီးဖြစ်ပါတယ်။
ခုလိုမျိုး Operation Systemကြီးနှစ်ခု နှစ်လလောက်ပဲခြားပြီး ဈေးကွက်ထဲ
တပြိုင်တည်းရောက်လာတာ တိုက်ဆိုင်မှုတော့ မဖြစ်နိုင်ပါဘူး။
အပြန်အလှန် အားသာချက်တွေ ရှိခဲ့တဲ့ Microsoftနဲ့ Appleတို့ရဲ့ အားစမ်းမှုဟာ
Operation Systemနှစ်ခုရဲ့ အရည်အသွေးနဲ့ အနိုင်အရှုံး ဆုံးဖြတ်ရမလား
စဉ်းစားချင်စရာပါ။ Snow Leopardရဲ့ နောက်ဆုံးVersion 10.6ဟာ
လောလောဆယ်မှာတော့ အစမ်းအဆင့်နဲ့တင် နာမည်ကောင်းရနေပေမယ့်
Microsoftရဲ့ Windows 7ကတော့ Vistaတုန်းက ခြောက်လှန့်ခဲ့တဲ့ နာမည်ပျက်
လောင်းရိပ်ကြောင့် သုံးစွဲသူတွေ သံသယနဲ့ စူးစမ်းတာ ခံနေရတုန်းပါ။နောက်ပြီးတော့
Appleရဲ့ Operation Systemသစ်ဟာ Spywareကာကွယ်ရေးအတွက်
လျှို့ဝှက်Serviceတစ်ခု ထည့်ပေးထားတယ်ဆိုတာကလည်း အထင်ကြီးစရာ
ဖြစ်နေပါတယ်။


Snow Leopardအတွက် လိုအပ်ချက်များ


- Intel Processorတပ်ဆင်ထားတဲ့ Macကွန်ပျူတာ (Solo Coreရော Duo Coreပါ
32-bitအတွက်ပဲ သုံးနိုင်ဖို့ ကန့်သတ်ထားပါတယ်။ x86-64နောက်ပိုင်း
ကွန်ပျူတာတွေကတော့ 64-bitပါ သုံးနိုင်ပါတယ်)

- Memoryက 1GB RAM
- Hard Disk Spaceက 5GB
- DVD Drive


Windows 7အတွက် လိုအပ်ချက်များ


- Processor Speed 1GHzနဲ့အထက်
- Memoryက 32-bitအတွက် 1GB RAMနဲ့ 64-bitအတွက် 2GB RAM
- DirectX 9ကို ထောက်ပံ့နိုင်မယ့် 128MBအထက် Graphic အရည်အသွေး
- Hard Disk Spaceက 20GB
- DVD Drive

မရှေးမနှောင်း ဈေးကွက်ထဲ ရောက်လာကြမယ့် Operation Systemနှစ်ခုကြား

သိသာတဲ့ ခြားနားချက်တွေကတော့ အောက်မှာပါတဲ့အတိုင်းပါပဲ။


Interface


ပုံသဏ္ဍန်ပိုင်းအရတော့ ထူးထူးခြားခြား ပြောင်းလဲမှုမျိုး (၂)ခုစလုံးမှာ မရှိနိုင်ပါဘူး။
Snow Leopardဟာ ဆွဲဆောင်မှုရှိခဲ့တဲ့ Mac Operation Systemတွေကို ပြန်ပြီး
အခြေပြု တည်ဆောက်ထားတာပါ။ Microsoftကလည်း Vistaဆီက ပုံစံကို
နည်းနည်းပဲ ပြန်ယူထားတယ်ဆိုပေမယ့် သိသိသာသာ ကွာသွားတာမျိုး မရှိနိုင်ပါဘူး။
Snow Leopardရဲ့ ပရိသတ်တွေအတွက် အဓိက interface မွမ်းမံမှုမျိုး
မမြင်ရပေမယ့် အရေးပါတဲ့ UI involving Exposeနဲ့ Dockအပိုင်းတွေမှာ
သေသေချာချာ တိုးမြှင့်ထားပါတယ်။



Microsoftကတော့ OSXရဲ့ လှပပြီး ဆွဲဆောင်မှုကောင်းတဲ့ ပုံစံကိုအတုယူပြီး
Transparentဖြစ်တဲ့ Aeroဒီဇိုင်းနဲ့ မွမ်းမံမှုတွေ ပြုလုပ်ထားမယ်လို့ ဆိုပါတယ်။
နောက်ပြီးတော့ DirectX 11ဟာ 3D Graphicတွေအတွက် ပိုပြီးလှပသပ်ရပ်
လာမယ်လို့ ဆိုပါတယ်။ Microsoftရဲ့ DirectX 11ဟာ Macရဲ့ Open CLနည်းပညာနဲ့
ဆင်တူပါတယ်။ Open CLဟာ Graphicနဲ့ဆိုင်တဲ့ စွမ်းဆောင်ရည်တွေကို CPUက
တာဝန်ယူပေးရတဲ့ ပမာဏကို လျှော့ချပေးထားတဲ့အတွက် CPUရဲ့သက်တမ်းကို
ပိုကြာစေပါတယ်။ DirectX 11နဲ့ Open CLတို့ဟာ နည်းပညာ ပြိုင်ဆိုင်မှုကြောင့်
Hardwareပိုင်း ထိခိုက်တာတွေ သက်သာစေတဲ့ အသီးအပွင့်ကို ရရှိစေခဲ့ပါတယ်။

Search

ရှာဖွေမှုအပိုင်းမှာတော့ Windows 7က Vistaမှာ သုံးထားတဲ့
Windows Search featureကိုပဲ ပြန်သုံးထားပါတယ်။ Start Buttonကို
နှိပ်လိုက်တာနဲ့ Search Barတစ်ခု ပွင့်လာမှာဖြစ်ပြီး Browserတွေမှာ
ရှာဖွေတဲ့ပုံစံမျိုးနဲ့ ဆင်တူတဲ့ စာလုံးတွေရိုက်ပြီး ရှာနိုင်မှာပါ။
ဥပမာ - စာလုံးတစ်လုံး၊ ဒါမှမဟုတ် စာလုံးအပိုင်းအစလောက်
ရိုက်ထည့်လိုက်တာနဲ့ သူနဲ့စပ်ဆက်သမျှကို Windows Search featureက
စာရင်းထုတ်ပြီး ပြပေးမှာဖြစ်ပါတယ်။ နောက်ပြီးတော့ Windows 7ရဲ့
Searchingပိုင်းမှာ Librariesဆိုတဲ့ featureတစ်ခု ပါလာပါတယ်။
အဲဒီfeatureဟာ ဓာတ်ပုံတွေ၊ Documentတွေကို စုဆောင်းပေးတဲ့အတွက်
Searchingကဏ္ဍမှာ ပိုပြီးလွယ်ကူ လျင်မြန်စေမှာပါ။



Snow Leopardမှာတော့ Desktop Searchကို ပိုကောင်းအောင် လုပ်ပေးထားပါတယ်။
Appleဟာ Searchingပိုင်းမှာ ခုထက်ပိုပြီး လွှမ်းမိုးနိုင်သင့်တယ်လို့ ဝေဖန်ခံရပေမယ့်
ကြီးကြီးမားမား ပြင်ဆင်တာမျိုး လုပ်မထားပါဘူး။ Snow Leopardမှာ Spotlightဆိုတဲ့
Searchingနဲ့ ပတ်သတ်တဲ့ Default Behaviorတွေကို ပြောင်းလဲနိုင်တဲ့ featureတစ်ခု
ပါလာပါတယ်။ ဒါကြောင့် လက်တလော ရှာဖွေမှုတွေလုပ်နေတဲ့ Folderတွေအပြင်
အရင်က Searchingလုပ်ထားတဲ့ Locationတွေကိုပါ သိနိုင်မှာပါ။ Searching
ကဏ္ဍမှာတော့ Microsoftရဲ့ Windows 7က သာနေတုန်းပါပဲ။

Architecture

Operation System နှစ်ခုလုံး 64-bitအတွက်ပါ အသုံးပြုနိုင်ဖို့ ရည်ရွယ်ထားပါတယ်။ 
ဒါပေမယ့် ဒီ့အတွက် ကွန်ပျူတာရဲ့ Memoryစွမ်းဆောင်ရည် ပမာဏကို တိုးပေးဖို့တော့
လိုပါလိမ့်မယ်။ ဒါမှသာ 32-bitမှာ အဆင်ပြေပြေ Runထားတဲ့ featureတွေဟာ
64-bitမှာပါ ချောချောမောမော အသုံးပြုနိုင်မှာ ဖြစ်ပါတယ်။ Windows 7ဟာ
Home Basicနဲ့ Ultimate Versionတွေကို 32-bitရော၊ 64-bitပါ ပြောင်းလဲသုံးစွဲနိုင်ဖို့ 
စီစဉ်ပေးထားပါတယ်။ Windows 7 Ultimateဆိုရင် 64-bitမှာ Memoryပမာဏ
192GBအထိကို သိရှိနိုင်မယ်လို့ ဆိုပါတယ်။


Appleရဲ့ Operation Systemကတော့ ပိုပြီးတောင် ကောင်းသေးတယ်လို့ ပြောရမှာပါ။
ထောက်ပံ့သိရှိနိုင်တဲ့ RAMပမာဏဟာ 16TBထိတောင် ရှိနေပါတယ်။
ဒါကြောင့် Operation System နှစ်ခုလုံးမှာ RAMတိုးမြှင့်ချင်ပေမယ့် Platformက
လိုက်မမီတဲ့ ပြဿနာမျိုး ကြုံစရာ မရှိနိုင်သလောက်ပါပဲ။ Snow Leopardဟာ
Appleထုတ်ကုန် Applicationတွေဖြစ်တဲ့ iChat၊ iCal၊ Finderနဲ့ Safariတို့ကို
ထည့်ပေးထားပြီး 64-bitမှာပါတဲ့ featureတွေဟာ 32-bitထက် လုံခြုံမှု
မြင့်မားတယ်လို့ ကြေညာထားပါတယ်။


Desktop Navigation

Windows 7ဟာ Pinလို့ခေါ်တဲ့ featureတစ်မျိုး ပါလာပြီး Installလုပ်ထားတဲ့
ဘယ်Applicationကိုမဆို Taskbarပေါ်မှာ ဆွဲတင်ထားလို့ ရပါပြီ။ Snapsလို့ခေါ်တဲ့
featureကတော့ Windowsတွေကို ဘေးတိုက်ဆွဲယူပြီး Screenအစွန်းတွေထိ
စိတ်ကြိုက်ချိန်ညှိလို့ ရပါတယ်။ တကယ်လို့ Windowsတော်တော်များများကို
တပြိုင်တည်း ဖွင့်ထားမယ်ဆိုရင် ကိုယ်လက်ရှိ အသုံးပြုချင်တဲ့ Windowsကို
ရွေးပြီးတော့ တစ်ချက်လောက် Shakeလုပ်လိုက်ရုံနဲ့ ကျန်တဲ့Windowsတွေ
အကုန်လုံး Minimizeလုပ်ပြီးသား ဖြစ်သွားပါလိမ့်မယ်။


Appleမှာတော့ ကိုယ်ကြိုက်တဲ့ Applicationရဲ့ iconကို Dockပေါ် တင်ထား
လို့ရပါတယ်။ နောက်ပြီးတော့ ဖွင့်ထားတဲ့ Windowsတွေကို Thumbnailပုံစံမျိုး 
ပြောင်းပြီးတော့ စိတ်ကြိုက်ရွေးနိုင်ပါတယ်။ 
Applicationတွေကို အစီအစဉ်တကျ စီပေးထားတဲ့အတွက်
ကိုယ်သုံးချင်တဲ့ Applicationကို ရွေးတဲ့အခါ ပိုပြီးတော့ မြန်ဆန်မှာဖြစ်ပါတယ်။



Security


လုံခြုံရေးအတွက်ကတော့ Appleရော၊ Microsoftပါ စိန်ခေါ်မှုတွေ ကြီးကြီးမားမား
ကြုံနေရတာပါ။ Windowsတွေကတော့ ပိုဆိုးပါတယ်။ Vistaတုန်းကဆိုရင်
Microsoftအတွက် တော်တော်လေး သိက္ခာကျစရာတွေ ကြုံခဲ့ရတာပါ။
ဒါကြောင့်လည်း Windows 7မှာတော့ Data Execution Preventionလို
featureမျိုး ထည့်ပေးထားပါတယ်။ လုံခြုံရေးပိုင်း တိုးမြှင့်ထားသလို
Compliancy requirementတွေကိုလည်း ထည့်ပေးထားပါတယ်။
Bitlockerကိုလည်း ပိုပြီးအဆင့်မြှင့်ပေးထားတယ်လို့ Microsoftက ဆိုပါတယ်။

Appleကတော့ လုံခြုံရေးပိုင်းမှာ Microsoftထက် နာမည်ကောင်းရှိပါတယ်။
နောက်ပြီးတော့ Operation Systemပိုင်းမှာ တည်ငြိမ်မှုလည်း အရမ်းကောင်းပါတယ်။
Snow Leopardမှာဆိုရင် Built-in ထည့်ပေးထားတဲ့ malwareကာကွယ်မှု စနစ်တစ်ခု
ပါလာတော့မယ်လို့ Appleက ကြေညာပြီးသားပါ။ နောက်ပြီးတော့ OS Xမှာပါခဲ့တဲ့
လုံခြုံရေးစနစ်တွေထဲက ကောင်းတာတွေရွေးပြီး ပြန်ထည့်ထားပါတယ်။
Library Randomization စနစ်ဆိုရင် memoryတိုက်ခိုက်ခံရတာတွေကို
ကာကွယ်ပေးနိုင်မှာပါ။ နောက်ပြီးတော့ Safari Browser၊ E-mailနဲ့ iChatတို့မှာ
သီးသန့် malwareကာကွယ်ရေး စနစ်တွေ ထည့်ထားပေးပါသေးတယ်။ ဒါကြောင့်
အင်တာနက်အသုံးပြုမှု လုံခြုံရေးမှာ ပိုပြီးစိတ်ချလာရမယ့် အနေအထား ရှိပါတယ်။


Networking Business Use


Windowsဟာ အမြဲတမ်းလိုလို Business PCတွေရဲ့ ရွေးချယ်ရာ 
Operation System ဖြစ်ခဲ့တာပါ။ Windows 7မှာလည်း Business Classအတွက် 
စိတ်အနှောင့်အယှက် ဖြစ်စရာ မရှိပါဘူး။ Offline domain-joining၊ Branch Cacheနဲ့ 
Direct Accessတို့လို featureတွေ Windows 7မှာ ပါလာဦးမှာပါ။ ဒါတွေက 
Windows 7ကို Businessကဏ္ဍအတွက် အားကောင်းလှတဲ့ Operation System
အဖြစ် ဆက်ရှိနေစေမှာ မလွဲပါဘူး။ Home Groupတွေဖွဲ့ပြီး SOHO userတွေ
အနေနဲ့ချိတ်ဆက်မှုတွေ လုပ်နိုင်မှာပါ။ အရင်တုန်းက Windowsတွေမှာ
ဖြစ်ခဲ့တဲ့ Home networkingအဆင့် တိုးမြှင့်မှု လိုအပ်တာတွေနဲ့
Workgroup featureတွေ နည်းနေတာတွေကို Windows 7မှာ
ပြင်ဆင်ထားပါတယ်။


Snow Leopardနဲ့ ပတ်သတ်ပြီး Businessကဏ္ဍအတွက် ဆောင်ရွက်ထားတဲ့
သတင်းထူးကတော့ ငွေကြေးလဲလှယ်မှု လုပ်ငန်းတွေအတွက် Native Support
ပေးသွားမယ် ဆိုတာပါပဲ။ ဒါပေမယ့် Exchange 2007 Serverနဲ့ ချိတ်ဆက်ဖို့တော့
လိုပါလိမ့်မယ်။ Appleက Snow Leopardကို ရုံးသုံးကဏ္ဍအတွက်ပါ ရည်ရွယ်ခဲ့ကြောင်း
ပြောထားပြီး File Sharingလုပ်တာတွေ၊ Networkအတွင်းက တခြားကွန်ပျူတာတွေမှာ
ရှာဖွေတာတွေကို လုပ်ခွင့်ပေးထားတယ်လို့ ဆိုပါတယ်။


Upgrading Price


Mac OSXကို ၀ယ်ထားပြီးပြီဆိုရင် Snow Leopardအတွက် (၂၉)ဒေါ်လာ 
ထပ်ပေးရမှာပါ။ ဒါပေမယ့် (၂၀၀၉)ခုနှစ်၊ ဇွန်လ(၈)ရက်နေ့နောက်ပိုင်းက 
Mac OSကို ၀ယ်ထားသူတွေအတွက် Snow Leopardအဆင့်ကို မြှင့်ချင်ရင် 
(၉.၉၅)ဒေါ်လာပဲ ကျသင့်ပါလိမ့်မယ်။ 
ဒါပေမယ့် အရင်Operation Systemဟောင်း Tigerကို အသုံးပြုထားသူတွေအတွက်
ကတော့ Snow Leopardအဆင့် မြှင့်ချင်ရင် (၁၆၉.၉၉)ဒေါ်လာ ပေးရမှာလို့
ဆိုပါတယ်။ ဒါတောင်မှ Tigerသုံးထားတဲ့ ကွန်ပျူတာဟာ Intelအခြေခံ
Macကွန်ပျူတာ ဖြစ်ရမှာပါ။


Microsoftကတော့ XP၊ Vistaတို့ကနေ တိုက်ရိုက်အဆင့်မြှင့်နိုင်အောင်
Windows 7ကို စီစဉ်ပေးထားပါတယ်။ Vistaကနေ Windows 7ဖြစ်လာဖို့
Home Premiumအတွက် (၁၁၉)ဒေါ်လာနဲ့ Ultimateအတွက်
(၂၁၉.၉၉)ဒေါ်လာ ကျသင့်မှာပါ။ ဒါမှမဟုတ်ဘဲ ကွန်ပျူတာအသစ်အတွက်
သီးသန့်ဝယ်မယ်ဆိုရင်တော့ Home Premiumအတွက် (၁၉၉.၉၉)ဒေါ်လာနဲ့
Ultimateအတွက် (၃၁၉.၉၉)ဒေါ်လာ ပေးရမယ်လို့ Microsoftက ကြေညာထားပါတယ်။








Source: CNN
.......................................................