ရေဆန်လမ်း

လေ၀င်လေထွက်ဆိုလို့ ventilator မှထွက်သည့်လေသာရှိသည့် သင်္ဘောဝမ်းထဲ၌ တဖြန်းဖြန်း ပွင့်ထွက်နေ တဲ့ မီးပွားတွေကြားမှာ ကျင့်သားရနေတဲ့မျက်လုံးက ကန်းသွားမှာကို မကြောက်တော့လောက်အောင် အလုပ် အပေါ် အာရုံစိုက်နေမိသည်။ ထို့အပြင် တစ်ကိုယ်လုံးရှိ ချွေးတွေကလည်း အင်္ကျီတထည်လုံး ရေတွေစွတ် ထားသလို စိုရွှဲလို့နေ၏။ ဒီနေ့အတွက် နေ့တွက်စာအပြင် အချိန်ပိုလေးပါ ဆင်းခွင့်ရဖို့ foreman တွေမြင် အောင် တနေကုန် ကြိုးစားလုပ်ပြခဲ့ရသည်။ ပြီးတော့ ယခုလုပ်တဲ့ သင်္ဘောဆီတိုင်ကီဝန်းကျင်နားတွင် safetyအပြည့်ရှိသော်လည်း လုပ်ရဲသူကရှား၏။ထို့ကြောင့်လည်း ကျနော့်အားအချိန်ပိုဆင်းခွင့်ပေးသည်လား မသိ။

ကျနော့်အနေနဲ့က တစ်နေ့ကို အလုပ်ချိန်၂၄နာရီဆိုလျှင်လည်း လုပ်ဖို့အသင့်ပင်ဖြစ်သည်။ဘာကြောင့်လည်း ဆိုတော့ ကျနော်ဒီကိုရောက်လာဖို့ အမေက ကျနော်တို့မိသားစုအိမ်လေးကို ပေါင်နှံလို့ လွှတ်လိုက်ခြင်း ဖြစ် လေသည်။ အမေကတော့ သိပ်လွှတ်ချင်လို့ရယ် မဟုတ်။ ကျနော်ကိုယ်တိုင်က စင်္ကာပူနိုင်ငံတွင် အလုပ်လုပ် ချင်မိခြင်းကြောင့်ဖြစ်သည်။ အဲဒီကပြန်လာကြတဲ့ ကိုရွှေဗမာများက သူတို့သည် ထိုနိုင်ငံတွင် ဘယ်လိုဘယ်ပုံ ငွေရှာလို့ သူဌေးတွေနဲ့ ရင်ဘောင်တန်းပြီး အလုပ်လုပ်ခဲ့ကြောင့် အာဘောင်အာရင်းသန်သန် ပြောပြတတ် ကြ သည်။ ထို့ပြင် အလုပ်သမားခေါ်တဲ့ အေးဂျင့်တွေကလည်း စင်္ကာပူနိုင်ငံတွင် အလုပ်လုပ်ရတာသက်သာ သလို အခွင့်အရေးလည်း အများကြီးရနိုင်ကြောင်း ရွှန်းရွှန်းဝေ ပြောခဲ့ကြသည်။ အခုတော့ သူတို့စကားတွေ ဟုတ်မဟုတ်ဆိုသည်မှာ ကျနော့်ကိုယ်တွေ့တွေက သက်သေပြနေပေပြီ။ မြန်မာဟေ့ဆိုလျှင် ကြည့်သော မျက်လုံးများက အရောင်တမျိုး ဖြစ်နေတတ်သည်။ မှန်းချက်နှင့်နှမ်းထွက် မကိုက်သည့်အကြောင်းတွေ ပြောနေလျှင်တော့ များလှချေသည်။ ဒါတွေအားလုံးကို အောင့်အီးသည်းခံကာ ကျနော်တို့အိမ်လေးကို ပြန်ရွေးနိုင်ရန် ကျနော်အစွမ်းကုန် အလုပ်လုပ်ဖို့ လိုအပ်နေသည်။

Alarmသံမြည်လာပြီးနောက် အချိန်ပိုအလုပ်ချိန်စေ့သောအခါ အနားတွင်အသင့်ချထားသော ရေဗူးကိုယူ၍ ရေတ၀သောက်ချလိုက်သည်။ တနေကုန်တနေခန်း အပူထဲတွင် အလုပ်လုပ်ရသောကြောင့် ခန္ဓာကိုယ်တွင်း သို့ရေထည့်လိုက်သည့်အခါတိုင်း လူမှာအငွေ့တွေပင်ပျံတက်သွားသလို ခံစားရ၏။ ရေတော့ကျနော် ကြိုးစား သောက်မှ ဖြစ်မည်။ နို့မို့ မိမိအရည်ပြားတွေအပြင် ခန္ဓာကိုယ်တွင်းမှ ကလီစာတွေပါ မီးကင်ထားသလို ဖြစ်သွားနိုင်သည်။ ဒီလိုအလုပ်ကြမ်းတွေမို့လို့လည်း နိုင်ငံခြားသားများကိုသာ ခေါ်ခိုင်းခြင်းဖြစ်သည်။ နေ့စဉ်နဲ့ အမျှ အလုံပိတ်ထားသော သင်္ဘောအခန်းတွေထဲတွင် ၀ရိန်ငွေ့တွေကိုသာရှူရှိုက်လို့ အသက်ရှင်နေသည့် ဘ၀နှင့် ပြန်ရမယ့်အခကြေးငွေက နှိုင်းယှဉ်ကြည့်လျှင် မဆိုစလောက်သာ။ စင်္ကာပူဒေါ်လာ ၇၅၀ဆိုတာ ကိုယ့်နိုင်ငံဝင်ငွေနဲ့ ပြန်တွက်ကြည့်လျှင်တော့ စိတ်ကူးယဉ်စရာ ကောင်းသလိုလိုပင်။ တကယ်တမ်းမှာတော့ အခွန်ဆောင်ရတာ ၁၀ရာခိုင်နှုန်း ပြန်နုတ်လိုက်လျှင် ကျန်တဲ့ငွေက စားတာသောက်တာ၊ လမ်းစရိတ်တို့နှင့် အိမ်ကိုတောင် အနိုင်နိုင်ပို့နေရသည့် အခြေအနေ။

မိမိအလုပ်ပစ္စည်းတွေ သိမ်းဆည်းနေရင်း တဖက်အခန်းထဲတွင် အလုပ်လုပ်နေရာမှ ထွက်လာသော ကိုအောင်ကြီးကို လှမ်းနှုတ်ဆက်လိုက်သည်။
“ဆရာအောင်လည်း ဒီနေ့ OT ပဲကိုး”
“ဟုတ်တယ်ဟေ့.. ငါလည်း အသေဖြဲနေရတယ်”
“ကြည့်လုပ်ဆရာ… ဘော်ဒီကိုလည်း ပြန်ကာအုံးနော်”
“မတတ်နိုင်တော့ဘူးကွာ.. ဒီလိုမှ မလုပ်ရင် အိမ်စရိတ်အတွက်က မလွယ်ဘူး။ အငယ်ကောင်လေးက ဒီနှစ် ကျောင်းစထားရတော့မှာလေ”

ဟူးကနဲသာသက်ပြင်းချမိတော့သည်။ပြောမယ့်သာပြောနေတာ ကိုအောင်ကြီးအလုပ်ကကျနော့်အလုပ်ထက် ကျန်းမာရေးကို ပိုထိခိုက်စေသည်ဆိုပေမယ့် ကိုယ်ကရောသူနဲ့ သိပ်မခြားလှပေ။ ကျနော်က MIG ဟုခေါ် သော ကာဗွန်ဒိုင်အောက်ဆိုဒ် ဓာတ်ငွေ့အသုံးပြုပြီး လုပ်ရသော ၀ရိန်အမျိုးအစား။ ကိုအောင်ကြီးက ကာဗွန် ချောင်းတွေကို ရှောခ့်ရိုက်လို့ သံထည်တွေကို လိုသလိုစားထုတ်ရသော Gauging သမားတစ်ယောက်။ သူအလုပ်လုပ်ပြီဆိုလျှင် လေထဲတွင်ကာဗွန်စတွေ ပျံ့နှံ့နေသည်။ mask တွေဘယ်လိုပဲခံခံ အလုပ်သိမ်းလို့ နှာခေါင်းကိုနှိုက်ကြည့်လျှင် ကာဗွန်ကြပ်ခိုးနှင့် မဲမဲအရာများ မြင်မကောင်းအောင် ထွက်လာတတ်သည်။ ၀ရိန်မီးကို ကျင့်သားရပြီးဖြစ်တာတောင် ရံဖန်ရံခါ မျက်လုံးထဲက မျက်ရည်ပူများ အဆက်မပြတ်ကျတတ်လို့ အလုပ်မဆင်းနိုင်သည်အထိ ဖြစ်ရသည်။ အလုပ်စ၀င်ခါစကတော့ ဒီလိုအဖြစ်မျိုးကို ကြုံလိုက်ရတဲ့အခါ ဆက် မလုပ်တော့ပဲ အိမ်ပြန်ပြေးရင်ကောင်းမလား စိတ်ကူးမိသေးသည်။ နောက်.. ကိုယ့်ဝမ်းနာကိုယ်သာသိမို့ ဇွတ်တိုး ဆက်လုပ်ခဲ့သည်။

တွေးရင်းနဲ့ ပစ္စည်းတွေသိမ်းပြီး TimeCardရိုက်ကာ အလုပ်မှစီစဉ်ပေးသောကားဖြင့် အဆောင်သို့ပြန်ခဲ့ သည်။ ထိုဖယ်ရီကားပေါ် ခုန်တက်တဲ့အခါတိုင်း မြန်မာပြည်မှ ၀က်တင်တဲ့ ကားကြီးတွေကိုသာ ပြေးသတိရ တတ်သည်။ ၀က်တွေ့ကိုတော့သတ်ဖို့တင်သည်။ ကျနော်တို့ကိုတော့ ၀အောင်တန်အောင်ခိုင်းဖို့ တင်သည်။ အသတ်ခံရတာထက်စာရင် တော်သေးသည်ဟု ဖြေတွေးရမလိုလို။ ကားပေါ်တွင်လည်း ဘင်္ဂလားဒေ့ရ်ှတွေ အိန္ဒိယကုလားတွေနှင့် အပြည့်ဖြစ်သည်။ သူတို့ကလည်း ကျနော်တို့နဲ့မခြား ဇာတ်တူသားပါပဲ။ ဒါပေမယ့် သူတို့ကတော့ကျွန်ချင်းတူတူနည်းနည်းသာတယ်ပြောရမည်။ကျနော်တို့မရောက်ခင်ကတည်းကဒီမှာကျွန်လာ ခံနေတော့ကျွန်လောကတွင်နေရာကောင်းရနေသောကျွန်များဖြစ်ကြသည်။ထိုရောက်နှင့်သောကျွန်များထဲ တွင်ဘင်္ဂလားကျွန်များကသဘောထားဆိုးကြသည်။ဒင်းတို့ကဘယ်တုန်းတည်းက ဗမာဆိုလျှင်ကြည့်မရသည် မသိ။ အခွင့်ကြုံတိုင်း ဖိနှိပ်ခိုင်း၍ သူဌေးကျေနပ်အောင် လုပ်ပြတတ်သည်။

ကျနော်တို့ ဘိုးဘေးများလက်ထက်တုန်းကတော့ ကုလားဆိုတာမျိုးက ချေးကျုံး၊ သေးကျုံး၊ လန်ချားဆွဲ စသဖြင့် ကျနော်တို့နိုင်ငံမှာ ကျွန်လာခံကြရသည်။ ကျနော်တို့ လက်ထက်တွင်မှာတော့ နိုင်ငံပေါင်းစုံသို့ လှည့်လည် ကျွန်ခံကြရသည်။ ထိုအဖြစ်ကြောင့် ကျနော့်ခေါင်းထဲတွင် ကံတူလို့ အကျိုးပေးတူကြသော ကျနော်တို့ နိုင်ငံသားလူမျိုးများအတွက် စိတ်မကောင်းဖြစ်ရသည်။ ထိုထက်စိတ်မကောင်းဖြစ်စရာ လက်ငင်းသတင်းတွေကလည်း ရှိသေးသည်။ လွန်ခဲ့တဲ့အပတ်က yard ထဲတွင် ကရင်သူငယ်ချင်း တစ်ယောက်သည် ဘင်္ဂလားတစ်ကောင်အား ထိုးကြိတ်မှုဖြင့် ဂိုဏ်းစတားနှင့်လေဆိပ်အထိ ချက်ခြင်းပို့ကာ ပြည်တော်ပြန်ခွင့် ပြုလိုက်သည်။

ရန်ဖြစ်ရသည့်အကြောင်းမှာ ထိုဘင်္ဂလားက ဖုန်းဇာတ်လမ်းမှ အရင်းပြုပြီး မြန်မာအိမ်ဖော်မတစ်ယောက်နှင့် လစဉ် ဟိုတယ်တွင် စခန်းသွားနေကြောင်း ထိုကရင်အား ပြောပြသည်။ ထိုကရင်လည်း တအံ့တသြဖြင့် ကိုယ့်လူမျိုးတွေရဲ့ ဇာတ်လမ်းကို အောင့်အီးနားထောင်နေရာမှ ထိုမြန်မာအိမ်ဖော်မရဲ့ နာမည်နှင့်အသက်ကို မေးလိုက်သောအခါ ဒီနိုင်ငံတွင်ပင် အိမ်ဖော်လုပ်နေသော သူ့ညီမအရင်း၏ နာမည်နှင့်အသက်ပါတူနေသဖြင့် စိုးရိမ်သွားမိသည်။ ထို့ကြောင့် ထိုကုလားအား အချိုသပ်၍ ပုံရှိလျှင်ပြရန် တောင်းလိုက်သောအခါ ထိုကုလားက သူ့ဖုန်းဖြင့်မှတ်တမ်းတင်ထားသော ဟိုတယ်တွင်းပုံများကို ထိုကရင်အား အားပါးတရပြလေသည်။ ထိုကုလားဖြင့် ပျော်မြူးနေသော အနှီးသူငယ်မမှာ ကရင်၏ ညီမအရင်းခေါက်ခေါက်ဖြစ်နေသည်ကို မြင်ရသောအခါ ကရင်လည်းစိတ်မထိန်းနိုင်တော့ပဲ ထိုကုလားအား နှာခေါင်းရိုးကျိုးလို့ မျက်စိတဖက်မှ သွေးကျတဲ့အထိ ထိုးလေသည်။ ကံကောင်းသည်မှာ ကုမ္ပဏီက နာမည်ပျက်မည်စိုးသဖြင့် အထိုးခံရတဲ့ ကိုရွှေကုလားကို ကျေနပ်အောင်ငွေပေး၊ ဆေးကုလုပ်ပြီး ကရင်အားစောစောပြန်လွှတ်လိုက်သည်။ သို့မဟုတ်ပါက ကရင်လည်း ဒီနိုင်ငံတွင် ကြိမ်ဒဏ်သို့မဟုတ် ထောင်အနည်းဆုံးခြောက်လကျနိုင်သည်။ ကျန်ရစ်သော သူ့ညီမကတော့ ဘယ်လိုဆက် စခန်းသွားအုံးမည် မသိပေ။

အဆောင်ရှေ့ရောက်လို့ ကားရပ်တာနဲ့ ကားပေါ်မှ အပြေးဆင်းကာ အခန်းထဲဝင်လို့ အ၀တ်အစားပင် မလဲနိုင်သေးပဲ ညစာအတွက် ချက်ဖို့ပြုတ်ဖို့ ပြင်ဆင်ရသည်။ ကျနော်တို့ ထမင်းဟင်း ချက်ရန် အတွက် နေရာက လက်ရှိအဆောင်ရှိလူနှင့် မလောက်ငသဖြင့် ကိုယ်ကဦးအောင်နေရာယူပြီး ချက်ပြုတ်မှ ညစာကို ကိုးနာရီလောက်စားဖြစ်သည်။ဝက်သားချက်သောနေ့တွင်မှာတော့ ကိုယ့်မီးဖိုနား မီးဖိုလုရန်ဘယ်ဘင်္ဂလားမှ မကပ်ဝံ့ ကြပေ။ ထို့ကြောင့် သူတို့ မီးဖိုလာမလုစေရန် ကိုယ်ကပဲ ၀က်သားနေ့တိုင်း စားရမလိုလိုပင်။

စားသောက်ပြီးသောအခါ ဖုန်းမှသွင်းထားသော သီချင်းလေးများနားထောင်လို့ မိမိနှင့် အခန်းဖော်လည်းဖြစ်၊ ကုတင်အတူ အိပ်ဖက်လည်းဖြစ်သော ကိုအောင်ကြီးနှင့်နှစ်ဦးပိုင်နန်းတော် နှစ်ထပ်ကုတင်ပေါ်တွင် သူက အပေါ် အထပ်တွင်အိပ်၊ ကျနော်ကအောက်အထပ်တွင်အိပ်လို့ မိန့်မိန့်ကြီးစံမြန်းကာ မြန်မာပြည်မှ မိမိတို့၏ ရှေးဟောင်းဖြစ်ရပ်များကို ပြန်လည်တူးစွရင်း အပြန်အလှန်ပြောပြ အလွမ်းဖြေကြရသည်။ ကိုအောင်ကြီး ပြောပြနေကျ အကြောင်းတွေထဲတွင် သူ့သားနှစ်ယောက်အကြောင်းက ညတိုင်း အမုန်းနားထောင်ရသည်။ သူပြောပြနေတဲ့ အမူအရာနဲ့ လေသံတွေကို နားရည်ဝလာတော့ ကိုယ်တောင် သူ့နေရာကိုရောက်ပြီး ခံစားရ သလိုပင် ဖြစ်မိသည်။

“ငါ့သားအကြီးကောင်က အေးတယ်ကွ.. စကားပြောရင် မပွင့်တပွင့်နဲ့.. ရုပ်ကတော့ ငါ့အတိုင်းပဲ လန်းတယ်ပေါ့ကွာ”
“တော်ပါ ကိုအောင်ကြီးရာ အကိုသားချောတယ်ပြောချင်ပြောပါ။ အကို့ရုပ်ကြီးလန်းတယ်တော့ ထည့်ပြောမနေပါနဲ့။ ဒီလောက် ၀ရိန်အပူတွေမိနေတဲ့ ဘဲကင်လိုအသားအရည်က ဘယ်လိုလုပ် ချောလာတော့မှာလဲ”

ကျနော့်စကားကြောင့် ကိုအောင်ကြီးကတဟားဟားရယ်လို့အငယ်ကောင်အကြောင်းပါဆက်ပြော ပြန်သည်။

“နောက်တာပါကွာ.. ငါ့သားအငယ်လေးကျတော့ ဉာဏ်ထက်မယ့်ပုံ။ စကားကလည်း ပြောတတ်သလား မမေးနဲ့ဟေ့..သူ့အဘွားကဆိုသူ့ကိုအသည်းစွဲပဲ။အငယ်ကောင်လေး မွေးပြီးနောက်ပိုင်းမှ အဲဒီယောက္မကြီးက င့ါကိုအမြင်ကြည်လာတာ။ဒီကောင်က နိမိတ်ကောင်းတဲ့ကောင်လို့ပြောရမယ်။ ဒီသားနှစ်ကောင် လူလူသူသူ ဖြစ်တဲ့အထိ ငါကြိုးစားရမှာပဲ”
“အင်း..ကြိုးစားတာလည်းကြိုးစားကြတာပေါ့အကိုရာ။ကျန်းမာရေးထိလောက်အောင် ကျနော်တို့ တာတိုပြေး နေရတော့ ကြာရင်မလွယ်ဘူး”
“လတ်တလောတော့ မတတ်နိုင်သေးဘူး ငါ့ညီရာ။ ဒီဝဋ်ကြွေးက ကိုယ့်ဒေါသနဲ့ကိုယ်ပဲလေ။ ဒို့ရွှေပြည်ကြီးမှာ ပြန်ပြီးအခြေတည်နိုင်ဖို့က ရေလိုတာကိုး။ ဒီတော့ ငါတို့ရသလောက်တော့ လုပ်နေရအုံးမှာပဲ”

ကိုအောင်ကြီးရဲ့ စကားသံအဆုံးမှာ သူရောကျနော်ပါ တဒင်္ဂတိတ်ဆိတ်သွားကြသည်။ ကိုယ့်အရေးနဲ့ ကိုယ်တွေမို့ အတွေးတွေကလည်း ဖြစ်ချင်တဲ့ အိပ်မက်တွေနဲ့အတူ ဒွေးရောရှက်တင် ဖြစ်နေကြသည်ပေါ့။ ဘာလိုလိုနဲ့ သင်္ကြန်လည်းနီးလာချေပြီ။ အမေတရားစခန်းဝင်ခါနီး ငွေလေးလည်း အမှီပို့လိုက်ချင်သည်။ ပြီးတော့ ကျနော့်ရဲ့ တစ်ဦးတည်းသောညီလေးကလည်း လည်ချင်ပတ်ချင်၊ ၀တ်ချင်စားချင်ရှာမည်။ဒါကြောင့် နောက်ရက်တွေလည်း foreman တွေမြင်သာအောင် အလုပ်ကိုကြိုးစားရပေလိမ့်အုံးမည်။ သြော်.. ငွေ.. ငွေ.. အချိန်တိုင်းမှာ သူ့ကိုဖိတ်ခေါ်နေနိုင်ဖို့က ဒီအရပ်ဒီဒေသမှာတော့ ကျနော်တို့လိုကောင်တွေအတွက် ကျန်းမာရေးနဲ့ပဲ လဲခွင့်ရနိုင်မယ်လေ။ ရွှေပြည်ကြီးကနေ ပညာတွေသိပ်တတ်လို့ လာကြတဲ့သူတွေလည်း ကျနော်တို့ရှေ့တင် ပုံစံအမျိုးမျိုးနဲ့ ဖိနှိပ်ခံနေရတာပါပဲ။ ဒီတော့ စိတ်ဖိစီးခံရမှုချင်း မကွာလှဘူးပေါ့။ အတွေးထဲ မြောနေခိုက်…

“ဟေ့ရောင်.. သင်္ကြန်နီးလာတော့ မင်းကောင်မလေးကို သတိမရဘူးလား” လို့ ကိုအောင်ကြီးက လှမ်းမေးသည်။ သူလည်း သူ့မိန်းမကို သတိရနေရင်းက ကျနော့်ကောင်မလေးကို ကျနော်သတိရအောင် စကားစပေးသည်လား မသိ။ ဟုတ်ပါသည်။ ကျနော့်မှာလည်း နှလုံးသားထဲက ချစ်ရတဲ့ချစ်သူ ရှိနေသေးသည်လေ။ အတွေးတွေထဲအမြဲရှိနေတတ်တဲ့ သူမမျက်နှာလေးသည် စိတ်ဖိစီးမှုတွေကြားထဲက ပြန်မြင်ယောင်လိုက်တိုင်း ပြတ်ပြတ်ထင်ထင် ၀င်းပနေတတ်သည်။ ကျနော်အိပ်မက်တွေမှာ သူကညတိုင်း လိုလိုသနပ်ခါးပါးကွက်ကြားလေးနဲ့ပြုံးနေတတ်သည်။မိသားစုအတွက်ခိုင်မာတဲ့ဘ၀တစ်ခုအမြန်တည်ဆောက် ချင်တဲ့စိတ်၊ပြီးတော့သူမနဲ့အမြန်နီးချင်တဲ့စိတ်၊အဲဒီစိတ်တွေကြောင့်လည်းဒီကိုရောက်လာခဲ့ရသည်။ သူမကတော့ ကျနော့်ရဲ့ သဘောထားဆန္ဒတွေအတွက် ဘာမျှမကန့်ကွက်ခဲ့ပါဘူး။ ဒါပေမယ့် ကျနော် ဒီကို လာမယ်ဆိုတာ သေချာစွာသိရတဲ့နေ့က သူမကိုအဲဒီကိစ္စပြောပြတော့ သိမ့်ကနဲတုန်သွားပြီး ရှိုက်ကြီးတငင် ငိုချလိုက်တဲ့သူမရဲ့မျက်ရည်တွေဟာသနပ်ခါးပါးကွက်ကြားလေးပေါ်မှာလှိုင်းထန်သွားခဲ့ရသည်။ တသက်တာ နီးခွင့်ရဖို့ ခဏတာခွဲခွာမှုအတွက် ဖြေသိမ့်နိုင်ပါစေ ချစ်သူ။

“ဟကောင်.. ငါမေးတာရော ကြားရဲ့လား။ ကောင်မလေးအကြောင်းလည်း မေးလိုက်ရော အသံပါတိတ် သွားတာပဲ”
“ဆောရီးအကိုရာ.. ကျနော်လည်းအတွေးလွန်သွားတယ်”
“ငါသိပါတယ်ကွာ.. ဒါကြောင့် မင်းကိုဆက်မမေးပဲ စောင့်နေတာ။ သက်ပြင်းရှည်ကြီးချသံကြားပြီမှ ထပ်မေး လိုက်တာ။ ဘာမှသိပ်တွေးမနေနဲ့ ငါ့ညီရေ။ ငါတို့မှာ မနက်ဖြန်တွေအတွက် ခန္ဓာကိုယ်ကျန်းမာနေဖို့ လိုသေး တယ်။ ဒီတော့ အိပ်ချိန်ရောက်တာနဲ့ အိပ်ဖို့သာပြင်ဆင်ပေတော့ ”
“ဟုတ်ကဲ့အကို ကျနော်လည်း အခုအိပ်တော့မယ်။ ကျနော်မီးထပိတ်လိုက်တော့မယ်နော်”
“အေး.. အေး.. ဘုရားလည်းရှိခိုးပြီးမှ အိပ်နော်”
“ဟုတ်ကဲ့” ဆိုပြီး ကျနော်က မီးထပိတ်လိုက်သည်။

ကိုအောင်ကြီးဆီမှ ဘုရားဝတ်ပြုသံသဲ့သဲ့မျှကြားပြီးကျနော်လည်း ဘုရားဝတ်ပြုကာ အိပ်ချလိုက်တော့သည်။ အိပ်ခါစ မျက်လုံးစမှိတ်လိုက်ချိန်မှာတောင် ၀ရိန်မီးတွေက တဖွားဖွားနှင့် ပြန်မြင်ယောင်နေသေးသည်။ နေ့စဉ်ထိတွေ့နေရတဲ့ အလုပ်ဆိုတော့လည်း အမြဲလွှမ်းမိုးနေတတ်သည်ပေါ့။ ဒီဝရိန်မီးတွေ တဖွားဖွားနဲ့ တောက်လောက်နေသလို ကျနော်တို့နှလုံးသားထဲက သမုဒယမီးတွေကလည်း တဖွားဖွားတောက်လောင် နေသမျှဒုက္ခပင်လယ်တွေထဲ သံသရာတစ်လျှောက် ကူးခတ်နေကြရအုံးမှာပေါ့လေ။ ထိုအခိုက် အမေ့ရဲ့ ဘုရားရှိခိုးပြီး မေတ္တာပို့နေကြ အသံလေးကြားယောင်မိသလိုလို ခံစားရပြီး နှလုံးသားက ခဏတာငြိမ်ဝပ် သွားတယ်။ အဲဒီနောက်… ဆန္ဒလွန်အိပ်မက်တွေထဲ ကူးခတ်ဖြစ်သည်ပေါ့။
…………………………………………………………….

Shipyard တွေထဲကို မနက်၇နာရီထိုးပြီဆိုတာနဲ့ ၀င်ရတာမို့ အဆောင်မှ ရှိသမျှ အလုပ်သမားအကုန်လုံးဟာ မနက်၆နာရီတည်းက စုစုရုံးရုံးနဲ့ အဆောင်ရှေ့တန်းစီလို့ ကြိုပို့ကားကို စောင့်ကြရသည်။ ကျနော်တို့လည်း ထိုနည်း၎င်းမို့ ကားစောင့်ရင်း အသင့်ဖျော်လာသော ကော်ဖီမစ်ကိုသောက်ကာ စောင့်နေလိုက်သည်။ yard ထဲရောက်တော့ Time card ရိုက်သည်။ ထို့နောက် မိမိလုပ်ငန်းခွင်ရှိရာ ပြန်လည်ပြင်ဆင်နေသော သင်္ဘောဆီသို့ ခပ်သွက်သွက်သွားရသည်။ မိမိထက် စောလျင်စွာရောက်နေတတ်သော foreman တွေမြင်အောင် အလုပ်လုပ်ရန် ပြင်ဆင်ပြကြရသည်။ ဒါမှ သူတို့ကြည်ဖြူမှာပေါ့။

မိမိတို့အသုံးပြုမည့် ပစ္စည်းပစ္စယများ အသင့်ဖြစ်သောအခါ ၁၀မိနစ်ခန့် safety နဲ့ပက်သက်သည်များကို Yard ထဲမှာ safety officer များက ထပ်မံမှာကြားကြသည်။ ထိုနောက်တွင် မိမိနှင့်ဆိုင်ရာ သဘောင်္များပေါ်သို့ တက်ကာ အလုပ်လုပ်ကြရတော့သည်။ မိမိနှင့် ကိုအောင်ကြီးက သင်္ဘောတစ်စီးတည်း အလုပ်လုပ်ရသည်ဆိုတော့ သင်္ဘောပေါ်တက်ရန် foreman ကို လှမ်းသတင်းပို့လိုက်သည်။ ထိုပုဂ္ဂိုလ်က ဦးစွာသင်္ဘောပေါ်တက်ပြီး လုပ်ကွက်များကို စစ်ဆေးကာ မိမိတို့အား အလုပ်လုပ်ရန်နေရာ ချပေးလေ့ရှိသည်။ သူက OK ဟု အချက်ပြသောအခါ သဘောင်္ကုန်းပတ်ပေါ်အရင်တက်၍ ထိုမှတဆင့် ၀မ်းထဲသို့ Man Hole အပေါက်တွေမှတဆင့် ၀င်လာခဲ့သည်။

ဒီနေ့တော့ ကိုအောင်ကြီးနဲ့ ကျနော်တခန်းတည်း အတူတူ ၀ရိန်ဆော်ရမည်မို့ လေစုပ်ပန်ကာသံတွေ၊ ၀ရိန်ဆော်တဲ့အသံတွေ၊ တဖက်ခန်းမှ ထုရိုက်သံတွေ ဆူညံနေပေတော့မည်။ သူရော ကျနော်ပါ လိုအပ်သည်များ ပြင်ဆင်နေကြသည်။ ထိုအခိုက် foreman က လေစုပ်ပန်ကာ လာပို့မည် ရသလောက်လေးပဲ ၀ရိန်ဆော်ထားနှင့်ကြဟု လာရောက်မှာကြားသည်။ လေစုပ်ပန်ကာမရှိပဲ နှစ်ယောက်ဝရိန်ဆော်လျှင် အငွေ့တွေနှင့် အသက်ရှုကျပ်ပြီး သေဖို့သာရှိသည်။ ထို့ကြောင့် ကျနော်က“အလုပ်မလုပ်ဘူးဗျာ” ဆိုပြီး သင်္ဘောခန်းထဲ ထိုင်မည်ပြုသည်။ ထို foreman ကုလားတွေက သူတို့အလုပ်ပြီးဖို့လောက်သာ ကြည့်တတ်သည်။ တကယ်တမ်း မိမိတို့ကို သိပ်ညှာသည်ဆိုတာ မရှိပေ။

ကိုအောင်ကြီးကတော့ မိမိတို့အား ကုလားစိတ်ခုမည်စိုးသဖြင့် နည်းနည်းဖြစ်ဖြစ် အလုပ်လုပ် ကြရအောင်ဆိုကာ..
“လာပါကွာ မင်းရောငါရော ညက အအေးမိလို့ နှားခေါင်းတွေပိတ်နေတာပဲ။ အနံ့သိပ်ရမှာ မဟုတ်ပါဘူး” ဆိုပြီး ရီစရာပြောကာ အခန်းထဲဝင်လာကြသည်။ တကယ်လည်း နှာမွှန်နေသဖြင့် နှာခေါင်းတွေ ပိတ်နေကြသောကြောင့် သိပ်မဆိုးလှဟုဆိုကာ နည်းနည်းပါးပါးလုပ်ရန် ပြန်ဆင်လိုက်သည်။
“ဒါဆို ဒီလိုလုပ်ဗျာ.. ကျနော်အရင်အလုပ်လုပ်နှင့်မယ်။ အကိုက ကျနော့်ကိုခဏစောင့်ပေး။ ကျနော်ပြီးတော့မှ အကိုကနည်းနည်းလုပ်ပေါ့”
“အိုကေ.. ဖြစ်တယ်။ ဖြည်းဖြည်းချင်းပဲ လုပ်ကြတာပေါ့” ဟုပြောကာ ဘေးတွင်ရှိသော ပုံးအလွတ်တစ်လုံးကို မှောက်ကာ ထိုင်နေသည်။

မိမိတို့အခန်းထဲတွင် ညဆိုင်းမှ အလုပ်လုပ်သွားကြသော Fitter များမှ သူတို့၏ လုပ်လက်စ Acetylene Gas ပိုက်များကို လုံအောင်ပိတ်မသွားကြသောကြောင့် ထိုဓာတ်ငွေ့များသည် အခန်းထဲတွင် ပျံ့နှံ့နေသည်။ ထိုအချင်းအရာကို ကျနော်တို့၏ နှာခေါင်းမှ အနံ့ကောင်းစွာ ခံစားလို့မရခဲ့သဖြင့် သတိမမူမိကြပေ။ ကျနော်ဝရိန်စဆော်ဆော်ချင်း ကိုအောင်ကြီးက ဂတ်စ်ပိုက်ကို မြင်သွားပြီး “ဟာ.. နေဦး” ဟု လှမ်းတားသံကို ရုတ်တရက်ကြားလိုက်ရသည်။ ဒါပေမယ့် လက်က၀ရိန်ဂေါက်နဲ့ အလုပ်လုပ်ရမည့် သံထည်ပေါ် ချမိပြီး မီးတွေပွင့်ထွက်သွား၏။ ၀ုန်းကနဲ ပေါက်ကွဲသံနှင့်အတူ ကျနော်တို့နှစ်ယောက်ရဲ့ အခန်းလေးထဲ မီးခိုးတွေ အူလှိုင်လို့သွားတော့သည်။
……………………………………………………………

သင်္ကြန်ကျပြီတဲ့…။
ညကရွာထားသည့် မိုးကြောင့်ထင်သည်။ အိမ်ရှေ့ပိတောက်ပင်ကြီးမှ အပွင့်တွေဝါထိန်နေအောင် မြင်နေရ၏။ သင်းပျံ့နေတဲ့ ပိတောက်ပန်းရနံ့တွေ၊ မြေသင်းနံ့တွေနဲ့အတူ လေပြေကလေးကလည်း အေးမြမြရှိလှသည်။ အဆိပ်ငွေ့တွေကို နေ့စဉ်ရှုရှိူက်လို့ ကာလရှည်ကြာ နေထိုင်ခဲ့ရတဲ့ကျနော်က ဒီလိုသဘာဝပတ်ဝန်းကျင်မျိုးကို တမ်းတမ်းတတ ငတ်မွတ်နေတာ ကြာလှပါပေါ့။ အမေက တရားစခန်းမ၀င်ခင် အငယ်ကောင်နဲ့ ကျနော့်ကို အိမ်မှာကောင်းကောင်းနေဖို့ မှာရစ်သည်။ ကျနော်ကလည်း ညီလေးအတွက်ရော ကျနော့်အတွက်ပါ စိတ်ချဖို့ အမေ့ကိုပြောရသည်။ အကြိုနေ့မနက်တွင် ညီလေးနဲ့အတူ လမ်းထိပ်က ရေပက်မဏ္ဍပ်ကို လာခဲ့သည်။ လမ်းထိပ်သို့ရောက်ခါနီးသော် ညီလေးမှာ ပျော်ရွှင်စွာဖြင့် မဏ္ဍပ်ရှိရာသို့ အပြေးဝင်သွားသည်။ မဏ္ဍပ်ထဲတွင် ကိုအောင်ကြီး သားနှစ်ကောင်၏ ဆူဆူညံညံ ရေကစားသံမှာ အကျယ်ဆုံးဖြစ်နေပြီး ကိုအောင်ကြီးကလည်း သူ့သားတွေနဲ့အတူ တဟားဟား ပျော်မြူးနေသည်ကို မဏ္ဍပ်နား မရောက်သေးသောကျနော်ပင် အဝေးမှအတိုင်းသား ကြားနေရ၏။ ထို့နောက် ကျနော်ချစ်သောသူမသည်လည်း ရေဖလားလေးကိုင်လို့ ကျနော့်အား ပြုံးပြုံးလေး စောင့်ကြို နေလေတော့သည်။ သြော်.. သူမပါးကွက်လေးတွေ ရေတောင် မစိုသေးပါလား…။


                                                                                               ရွှင်လန်းချမ်းမြေ့ပါစေ..
                                                                                                               မိုးမောင် 

 

 

 

 

Credit : http://happycloud1000.mmgenius.com

 

ရှေးရေစက်

ဟိုးရှေးရှေးတုန်းက အရမ်းချစ်ကြတဲ့ကောင်လေးနဲ့ ကောင်မလေးနှစ်ယောက်ဟာ
ချစ်ကြိုက်လာကြတာ ချစ်သက်တမ်း သုံးနှစ်ပြည့်တဲ့အခါမှာလက်ထပ်ကြတော့မယ်
ဆိုပြီး မင်္ဂလာရက်တစ်ရက်ရွေးချယ်သတ်မှတ်လိုက်တယ်။
ကောင်လေးကတော့ပျော်ရွှင်စရာ ကောင်းမယ့် သူတို့ရဲ့မင်္ဂလာရက်လေးကို
စိတ်ကူးယဉ်ပြီး ပျော်နေရှာတာပေါ့။

ဒါပေမယ့် အဲ့ဒီမင်္ဂလာဆောင်မယ့်နေ့ မရာက်ခင်မှာပဲသူ့ချစ်သူကောင်မလေးက တခြားကောင်လေးတယောက်နဲ့ မမျှော်လင့်ဘဲလက်ထပ်သွားတယ် ဆိုတဲ့
သတင်းကို  ကြားလိုက်ရတယ်။ သူစုံစမ်းကြည့်လိုက်တော့ ကောင်မလေး
ကိုယ်တိုင်က လိုလိုလားလားနဲ့ လက်ထပ်လိုက်တာလို့ သိလိုက်ရတယ်။

အဲ့သတင်းကိုကြားတာနဲ့ကောင်လေးလည်းအရမ်းအံ့သြပြီး၊ အရမ်းစိတ်ထိခိုက်
ဝမ်းနည်းစွာနဲ့မစားနိုင်မအိပ်နိုင်ငိုကြွေးနေတော့တယ်။

မကြာခင်မှာပဲကောင်လေးလည်းစိတ်ထောင်းကိုယ်ကြေပြီးအိပ်ယာထဲလဲတော့တယ်။
အချိန်တွေကုန်လွန်လာတာနဲ့အမျှ ကောင်လေးရဲ့အခြေအနေဟာပိုပိုဆိုးလာခဲ့တယ်။
ဆရာဝန်ပြလည်းမသက်သာတော့ဘူး။

တနေ့မှာတော့ အသက်အရွယ်အိုမင်းနေတဲ့ ဘုန်းတော်ကြီးတစ်ပါးကကောင်လေးရဲ့ 
အိမ်ရှေ့မှာရပ်ပြီး တံခါးခေါက်လိုက်တယ်။အိမ်ဖော်ကောင်မလေးလည်း
တံခါးခေါက်သံကြောင့် ထွက်လာပြီး တံခါးဖွင့်လိုက်တော့ 

ဘုန်းတော်ကြီးကပြုံးပြီးတော့…..

“ကိုယ်တော်ကဆွမ်းခံကြွလာတာမဟုတ်ပါဘူး..ဒီအိမ်မှာလူမမာရှိတယ်ကြားလို့
ကိုယ်တော်ကလည်း ဆေးနည်းနည်း ကုတတ်တော့ လာကူညီပေးတာပါဒကာမလေး” လို့မိန့်ကြားလိုက်တယ်။

အိမ်ဖော်မိန်းကလေးကလည်းသူဆုံးဖြတ်လို့မရကြောင်းနဲ့ သူမရဲ့သခင်တွေကို
ပြန်ပြောကြည့်ပါမယ်ဆိုတဲ့ အကြောင်းပြောပြီးအိမ်ရှင်တွေ ကိုပြောကြည့်တော့
သဘောတူခွင့်ပြုတာကြောင့် ဘုန်းတော်ကြီးကို အိမ်ထဲကိုပင့်ဖိတ်ခဲ့တယ်။

ဘုန်းတော်ကြီး အိပ်ခန်းထဲကိုရောက်တော့ ကုတင်ပေါ်မှာဖြူဖတ်ဖြူရော်နဲ့ အရိုးပေါ်
အရေတင် ပိန်လှီစွာနဲ့ နွမ်းနယ် နုန်းချိစွာ လဲလျောင်းနေတဲ့ လူမမာသည်ကောင်လေးကို
တွေ့လိုက်ရတယ်။ အိမ်ဖော်မိန်းကလေးလည်း ဘုန်းတော်ကြီးအတွက် သောက်တော်ရေ
တခွက်ပေးလိုက်ပြီး လူမမာကုတင်ဘေးမှာပဲ ထိုင်ခုံတစ်လုံးစီစဉ်ပေးလိုက်တယ်။

ဘုန်းတော်ကြီးကလည်း အခြေအနေကြည့်ပြီးတော့

”တော်တော်အခြေအနေဆိုးနေတာပဲ ”လို့ရေရွတ်လိုက်တယ်။လူမမာကောင်လေး
ကလည်း စိတ်နဲ့ကိုယ်နဲ့မကပ်စွာနဲ့ပဲဘာမှမကြားသလို တိတ်ဆိတ် ငြိမ်သက်စွာ
နေနေတယ်။ ဘုန်းတော်ကြီးလည်းသူလုပ်သင့်တာတွေလုပ်ပြီးတော့…

"ဒကာလေးကတော်တော်သနားစရာကောင်းတယ်….မယုံရင်မှန်ထဲကိုကြည့်လိုက်စမ်းပါ"
လို့မိန့်တော်မူပြီး ကောင်လေးအိပ်ခန်းထဲက ကိုယ်လုံးပေါ်မှန်တစ်ချပ်ဆီကို ညွှန်ပြလိုက်
တယ်။ကောင်လေးလည်း လုံးဝစိတ်ဝင်စားမှုမရှိပဲ ငေးငေးငိုင်ငိုင် နေနေရာကနေ
တစ်ချက် မှန်ထဲကိုကြည့်လိုက်တယ်ဆိုရင်ပဲ မှန်ထဲမှာသူ့ချစ်သူကောင်မလေးပုံကို
တွေ့လိုက်ရတယ်။ သိပ်မကြာခင်မှာပဲ ကောင်မလေး ပုံရိပ်ကေ၀၀ါး ပျောက်ကွယ်သွားပြီး
ပင်လယ်ကမ်းခြေ တခုပုံပြောင်းလဲသွားတယ်။ အဲ့ပင်လယ်ကမ်းခြေဟာ တိတ်ဆိတ်
ငြိမ်သက်နေပြီး လူအသွားအလာမရှိဘူး။

လူမမာကောင်လေးကမှန်ထဲ ကပုံရိပ်ကိုစိတ်ဝင်စားစွာကြည့်နေစဉ်မှာပဲ မိန်းကလေး အလောင်းတစ်လောင်းဟာ လဲလျောင်းနေတဲ့အနေအထားနဲ့ကမ်းခြေမှာရှိနေတာကို
မြင်လိုက်ရတယ်။ ခဏကြာတော့လူတစ်ယောက်ဖြတ်လျှောက်လာတယ်။ သူကအလောင်းကိုရွံရှာစွာကြည့်ပြီး လျင်မြန်စွာဖြတ်လျှောက်သွားတယ်။

အချိန်အတော်လေးကြာတော့ နောက်လူတစ်ယောက်ဖြတ်လျှောက်လာပြီး
အဲ့ကောင်မလေးအလောင်းကို တွေ့သွားပြန်တယ်။ ဒီလူကတော့စိတ်မကောင်းဖြစ်ပြီး သူ့ရဲ့အပ်ါရုံအင်္ကျီကိုချွတ်လို့ခြုံပေးပြီးခရီးဆက်ထွက်သွားတယ်။

အဲ့လိုနဲ့နောက်ထပ် အချိန်တော်တော်လေးကြာလာတော့ နောက်ထပ်လူတစ်ယောက်
ရောက်လာပြန်တယ်။ ဒီလူကအပေါ်ရုံခြုံထားပြီး လဲလျောင်းနေတဲ့ပုံစံကိုစိတ်ဝင်စားပြီး
ခြုံထည်ကို လှန်ကြည့်တော့ မိန်းကလေးအလောင်းကိုတွေ့သွားပြီးအရမ်းသနားစိတ်
ဝင်လာကာ မြေမြုပ်ပေးလိုက်ဖို့ဆုံးဖြတ်လိုက်တယ်။

ဒါပေမယ့်သူ့ဆီမှာ မြေကျင်းတူးဖို့ ဘာပစ္စည်းမှပါမလာဘူး။ နောက်ဆုံးမှာသူ့ရဲ့
လက်နှစ်ဖက်ကိုအသုံးပြုဖို့ သူဆုံးဖြတ် လိုက်တယ်။ လူရွယ်ဟာသူ့လက်နှစ်ဖက်နဲ့
မြေတွေကိုယက်ပြီး တဖြေးဖြေးချင်းတူးလာ လိုက်တာ ညနေစောင်းအချိန်မှာ
မိန်းကလေး အလောင်းကိုမြုပ်ဖို့ လုံလောက်တဲ့ ကျင်းတစ်ကျင်းကိုတူးလို့ ပြီးသွားတယ်။
အဲ့ဒီ လူလည်းမိန်းကလေးအလောင်းကို ကောင်းမွန်စွာ မြုပ်နှံပေးခဲ့ပြီး ခရီးကိုဆက်
ထွက်ခွာသွားတယ်။

အဲ့ဒီနောက်မှာ မှန်ထဲမှာမိန်းကလေးအလောင်းရဲ့ မျက်နှာပုံပြန်ပေါ်လာပြီး အဲ့ဒီ့
မျက်နှာကနေ သူ့ချစ်သူကောင်မလေးရဲ့  မျက်နှာကိုပြောင်းသွားခဲ့တယ်။
လူမမာကောင်လေးလည်း အလွန်အမင်းအံ့သြနေစဉ်မှာပဲ မြေမြုပ်ပေးတဲ့လူရွယ်ရဲ့ 
မျက်နှာပြန်ပေါ်လာပြီး လူတစ်ယောက်ရဲ့ မျက်နှာအဖြစ်ပြောင်းသွားပြန်တယ်။.....
အဲ့ဒီနောက်မှာတော့ မှန်ထဲက ပုံရိပ်တွေအကုန်ပျောက် ကွယ်သွားခဲ့တယ်။

ကောင်လေးလည်း အံ့သြစွာနဲ့ မင်သက်နေတုန်းမှာပဲ ဘုန်းတော်ကြီးက
ခုလိုပဲမိန့်ကြားတော်မူလိုက်တယ်

“ခုဆိုရင်ဒကာလေးလည်းသဘောပေါက်လောက်ပြီထင်တယ်။ အဲ့ မိန်းကလေး
အလောင်းက ဒကာလေးရဲ့  ချစ်သူမိန်းကလေး ဖြစ်တယ်။
ဘ၀တစ်ခုမှာ သူမရဲ့အလောင်းကိုမြေမြုပ်ပေးတဲ့ ကုသိုလ်ကံရေစက်ကြောင့်
အဲ့ဒီလူငယ်ဟာဒီဘ၀မှာ ကောင်မလေးနဲ့ လက်ထပ် ပေါင်းသင်းခွင့်ရခဲ့တယ်။

ဒကာလေးကတော့ သူမရဲ့အလောင်းကို အပ်ါရုံနဲ့လွှမ်းခြုံပေးခဲ့တဲ့ ရေစက်ကံကြောင့်
ဒီဘ၀မှာသူမနဲ့ သုံးနှစ်တာ ချစ်ခင်ခွင့်ရခဲ့တယ်။
အခု သုံးနှစ်ပြည့်လို့ ရေစက်ကုန်ချိန်မှာခွဲခွာရတယ်”

ဘုန်းတော်ကြီးရဲ့စကားအဆုံးမှာ ကောင်လေးလည်းအမြင်မှန်ရပြီးနားလည်
သဘောပေါက်သွားခဲ့တယ်။ နောက်ပိုင်းမှာကောင်လေးလည်း ပြန်လည်
ကျန်းမာလာပြီး လောကီကိုစွန့်လို့သင်္ကန်းဝတ်သွားတော့တယ်။
ပုံပြင်လေးကတော့ဒီလောက်ပါပဲ..

ဆိုလိုချင်တာကတော့ ကျွန်တော်တို့လူသားတွေအချင်းချင်း ဒီဘ၀မှာ အဖေ၊ အမေ၊
ဆွေမျိုးညီအစ်ကိုမောင်နှမ၊ သူငယ်ချင်းမိတ်ဆွေ၊ ချစ်သူ၊ရန်သူအဖြစ်နဲ့ တွေ့ဆုံတော်စပ်
ပတ်သက်ခွင့်ရကြတာဟာအမှုမဲ့အမှတ်မဲ့မဟုတ်ပါဘူး။ဘ၀တစ်ခုခုက ပြုခဲ့တဲ့ရေစက်ကံ
ကြောင့်သာ ဤမျှများပြားလှသော လူ့ဘောင် အဖွဲ့အစည်းအတွင်းမှာ တွေ့ဆုံရင်းနှီးကြ ချစ်ခင်ခွင့်ရခဲ့ကြတာဖြစ်ပါတယ်။

အဲ့လိုပဲ ရေစက်ကုန်ချိန်ရောက်ရင် ဘယ်လို အကြောင်းပြချက်မျိုးနဲ့မှဆွဲထားလို့မရပဲ
သေကွဲ၊ ရှင်ကွဲ မျိုးစုံနဲ့ခွဲခွာကြရမှာပါ။အဲ့ဒါကြောင့် အခုမခွဲခွာရခင်အချိန်လေးမှာ
မ်ိမိနဲ့ပတ်သက်ခွင့်ရခဲ့တဲ့ သူတွေအပေါ်မှာတတ်နိုင်သလောက် စိတ်ချမ်းသာမှုတွေ။
မေတ္တာတွေ ပေးနိုင်သလောက် ပေးနိုင်အောင်ကြိုးစားသင့်ပါတယ်။

ဘာဖြစ်လို့လဲဆိုတော့ လူတိုင်းလူတိုင်းဘယ်သူကမှဘယ်သူ့ကိုဘယ်အချိန်မှာ
ရေစက်ကုန်လို့ခွဲခွာကြရမယ်ဆိုတာကို မသိနိုင်ကြလို့ပဲဖြစ်ပါတယ်။

ဒီဘ၀မှာခင်မင်ခွင့်ရသောသူငယ်ချင်းများအားလုံးအတွက်အမှတ်တရ…….

email မှရထားသော ပုံပြင်လေးတစ်ပုဒ်ပါ။
မူရင်းပိုင်ရှင်နှင့်အတူ မျှဝေပေးသူများကို ကျေးဇူးတင်လျှက်.....
.................................

အရှက်သိက္ခာနှင့် ရင်း၍

မြန်မာ မိန်းမသားတစ်ယောက်ရဲ့ ဘဝကို အရှက်အကြောက်တရား သိက္ခာတရားတွေနဲ့ တည်ဆောက်ထားပါတယ်။
မြန်မာ အမျိုးသမီးမှန်ရင် အသက်ငယ်တာ ကြီးတာနဲ့ မဆိုင် ပျိုတာ အိုတာနဲ့လဲမဆိုင် အရှက်တရား သိက္ခာတရားကို အသက်နဲ့ရင်းလို့ တန်ဘိုးထားတတ်ကြပါတယ်။ အရှက်ကို အသက်နဲ့ လဲမယ်ဆိုတာ မြန်မာမိန်းကလေးတွေ တော်တော်များများ ပြောတတ်ကြပါတယ်။

အထူးသဖြင့် အကြောင်းအမျိုးမျိုးကြောင့် နိူင်ငံရပ်ခြားမှာ အလုပ်လုပ်နေရတဲ့ မြန်မာ မိန်းကလေးတွေ အများကြီးရှိပါတယ်။

ယဉ်ကျေးမှု ဓလေ့စရိုက် မတူညီတဲ့ သူတပါးတိုင်းပြည်မှာ မြန်မာ မိန်းကလေးတွေ ဘယ်လို အခက်အခဲတွေ ကြုံရတယ်ဆိုတာ ဘယ်လို ရင်ဆိုင်ဖြတ်သန်းရတယ်ဆိုတာတွေကိုတော့ ကိုယ်တိုင်ခံစားမိတဲ့ သူတွေကလွဲလို့ ဘယ်သူမှ ပုံတူ မခံစားနိုင်ပါဘူး။ ဘယ်သူကမှလဲ တိတိကျကျ မပြောနိုင်ကြပါဘူး။ ဘေးကနေပြီး အမျိုးမျိုးထင်မြင်ချက်ပေးနေသူတွေကလဲ တိတိကျကျ မသိကြပါဘူး။

အထူးသဖြင့် ဒီရက်ပိုင်းမှာ ဒူဘိုင်းမှာ မြန်မာ မိန်းကလေး တစ်ယောက် ရက်ရက်စက်စက် အသတ်ခံရတဲ့ ကိစ္စနဲ့ ပက်သက်လို့ အသံမျိုးစုံ ဝေဖန်ချက်မျိုးစုံကို ကြားရပါတယ်။ သတင်းတွေက မှန်တာလဲ ရှိသလို ချဲ့ကားပြီး ပြောကြတာတွေလဲ ရှိပါတယ်။ နှမသားချင်းမစာနာပဲ ချိုးချိုးဖဲ့ဖဲ့ ဝေဖန်တာတွေကိုလဲ နားနဲ့ ဆက်ဆက်ကြားနေရပါတယ်။ အဲလိုပြောနေကြတဲ့သူတွေအနေနဲ့ သေဆုံးသွားသူ မိန်းကလေးကို ဘယ်လိုများကူညီပေးနိုင်မှာလဲ အဲလိုပြောပေးခြင်းဖြင့် ကျန်ရစ်ခဲ့တဲ့ မိသားစု အသိုင်းအဝိုင်းရဲ့ သောကတွေကို ချုပ်ငြိမ်းစေမှာလား လို့ မဆီမဆိုင်စဉ်းစားမိပါတယ်။

အထူးသဖြင့် ကွယ်လွန်သူရဲ့ ကိုယ်ကျင့် သိက္ခာကို ဘာကိုမှ တိတိကျကျ မသိပဲ ပုတ်ခတ်ပြောကြတဲ့သူတွေက ယောက်ျားလေးတွေ များပါတယ်။ သူငယ်ချင်းကောင်လေးတွေ အားလုံးနီးပါးဆီက တူညီတဲ့ အသံတွေကိုပဲ ကြားခဲ့ရတာပါ။ စာနာတဲ့ အသံကိုတော့ မကြားလိုက်ရပါဘူး။ နိုင်ငံခြားရောက် ရွှေမြန်မာတွေပါ။ နားလည်ပါတယ် ယောက်ျားလေးတွေဆီမှာ ယောက်ျားလး အသိ ယောက်ျားလေးအတွေး ယောက်ျားလေး အမြင်တွေပဲ ဖုံးလွှမ်းနေတာပါ။ သူတို့ကိုလဲ အပြစ်ပြောလို့မရပါဘူး။ မျိုးချစ်စိတ်ရှိလို့ မြန်မာဘက်ကရပ်လို့ နာကြည်းလို့ ပြောကြတာပါ။

မိန်းကလေး သူငယ်ချင်းတွေ တော်တော်များများ ဆီကတော့ စာနာတဲ့အသံ ဂရုဏာသံတွေ စိုးရိမ်သံတွေ အများဆုံး ကြားရပါတယ်။ အဘူဒါဘီက ညီမလေးတစ်ယောက်က သတင်းစာတွေ့တွေ့ချင်းဖုန်းဆက်ပြီး ဘယ်လိုတွေ ကူညီပေးရင်ကောင်းမလဲ သံရုံးမရှိတဲ့ တိုင်းပြည်မှာ ကွယ်လွန်သူအတွက် အကောင်းဆုံးဖြစ်အောင် ဘယ်လို ရပ်တည်ပေးကြမလဲ လို့မေးလာပါတယ်။ မိန်းကလေးပီပီ မိန်းမသားချင်းစာနာ ဖေးကူချင်တဲ့ စိတ်ကလေးတွေ ကို မြန်မာမလေးတွေဆီမှာ ချစ်စရာ ကောင်းလောက်အောင် တွေ့ရပါတယ်။

ပြီးတော့ အသတ်ခံရသူက ရိုးရိုးသားသား အသတ်ခံရတာမဟုတ် ဝတ်လစ်စလစ်သေဆုံးနေတာ ဖြစ်တော့ ဝေဖန်သံတွေက တနေ့တခြားဆိုးလာပါတယ်။ ကွယ်လွန်သွားတဲ့ ကောင်မလေး ပျောက်ဆုံးနေတဲ့ ရက်တွေအတွင်းမှာလဲ ကောင်မလေးရဲ့ သူငယ်ချင်းကောင်မလေးတွေ တော်တော် သောကရောက်ခဲ့ရပါတယ်။

အထူးသဖြင့် ကောင်မလေးက အခြားနိုင်ငံသားတစ်ဦးနဲ့ ချစ်ကြိုက်နေတယ်ဆိုတဲ့ သတင်းက မြန်မာကောင်လေးတွေ ပါးစပ်ဖျားမှာ တော်တော်လေးကို ရေပန်းစားနေပြန်ပါတယ်။ သတင်းစာထဲမှာ ပါတာက လုပ်ဖော်ကိုင်ဖက် သူငယ်ချင်း လုပ်ငန်းတူ မိတ်ဆွေလို့ပဲ ရေးထားတာပါ။ ချစ်သူရည်းစားလို့ မရေးထားပါဘူး။ သတင်းစာတွေရှာပြီး သေသေချာချာ ဖတ်စေချင်ပါတယ်။ နှမသားချင်း စာနာစေချင်ပါတယ် ကိုယ့်ညီမ ကိုယ့်အမ ကိုယ့်ချစ်သူ ကိုယ့် ဆွေမျိုးသားချင်းလို့ သဘောထားပြီး ကောင်းတဲ့ ဘက်က ပြောင်းမြင်စေချင်ပါတယ်။

မီဒီယာတွေက သတင်းကို ဘယ်တော့မှ မဖုံးထားပါဘူး တိတိကျကျပဲ ရေးတာပါ။ ကောင်မလေးနောက်ဆုံးတွေ့ခဲ့ တဲ့သူဟာ အဲဒီနိုင်ငံခြားသား ဖြစ်နေတာတော့ မှန်ပါတယ်။ ဒါကို ထောက်ပြပြီး နိုင်ငံခြားရောက် မြန်မာမတွေ အောက်ခြေလွတ်တယ် နိုင်ငံခြားသားဆို မငြင်းဘူး ခေါ်ရင်လိုက်တာပဲလို့ ပြောပြန်ပါတယ်။ ဒါကလဲ ထန်းသီးကြွေခိုက် ကျီးနင်းခိုက် ဖြစ်သွားတာပါ။ ကောင်မလေးက အဲဒီလူကို အပြတ်ငြင်းထားတယ်ဆိုတာကို တိတိကျကျ ပြောတဲ့သူက နည်းပါတယ်။ အဲဒီအချက်ကို မေ့ထားကြပါတယ်။

မိန်းကလေးတွေရဲ့ အားနည်းချက် က အလွန်အမင်းအားနာတတ်တာပါပဲ။ ပြီးတော့ လုပ်ဖော်ကိုင်ဖက် မိတ်ဆွေဆွေကို ဘယ်သူက ပစ်ပစ်ခါခါ ရိုင်းရိုင်း စိုင်းစိုင်းပြောချင်မလဲ။ အထိုက်အလျောက် ခေါ်ပြောနှုတ်ဆက်ရပါတယ်။ မိတ်မပျက်အောင် လူမှုရေး မပျက်ရအောင် မေးထူးခေါ်ပြော လုပ်ရပါတယ်။

ပြီးတော့ သေဆုံးသူက သမီးတစ်ယောက်မိခင် အိမ်ထောင်သည် မိဘကို လုပ်ကျွေးနေသူတစ်ယောက်။
မြန်မာ့ အိမ်ထောင်ရေး ထုံးစံကို သူနားလည်သလို သမီးတစ်ယောက် မိခင်တစ်ယောက် ဖြစ်တဲ့ အတွက် သူ့ကိုယ်သူ ဘယ်လို ထိန်းကျောင်းရမယ်ဆိုတာ သူကောင်းကောင်းသိခဲ့မှာပါ။

အခန့်မသင့်လို့ အကြောင်းမလှလို့ အသေဆိုးနဲ့သေခဲ့ သူကသေခဲ့ပြီးပါပြီ။ သူလောကကြီးမှာ မရှိတော့ပေမယ့် သူ့မိသားစု အသိုင်းအဝိုင်းရဲ့ နားတွေ မျက်စေ့တွေ အများကြီး ကျန်နေပါသေးတယ်။ သူတို့ရဲ့ သောကတွေ ကိုဘယ်လို စာနာနားလည်ပေးနိုင်မလဲ။ ဘယ်လို နှစ်သိမ့်ပေးနိုင်မလဲ အထူးသဖြင့် သေခြင်းမလှခဲ့တဲ့ သူ့ရဲ့ဘဝလေး မြန်မာ မိန်းမသားရဲ့ ဘဝလေး။

သူမကွယ်လွန်ခင် အချိန်ပိုင်းလေးမှာ သူ့အရှက်သူ့သိက္ခာအတွက် ဘယ်လောကတောင်ခံစားခဲ့ရမလဲ။ သူ့ရဲ့နောက်ဆုံးထွက်သက်မှာ ဘယ်လောက်အထိ နာကျင်ခံစားလိုက်ရမလဲ။ သူဘယ်လောက်တောင် ခုခံကာကွယ်ပြီးမှ အားမတန်လို့ မာန်လျှော့ခဲ့ရလဲ ဒါလေးတွေကို လူတိုင်း တွေးမိချင်မှတွေးမိမှာပါ။ အရှက်ရော အသက်ပါ တပြိုင်တည်း ဆုံးခဲ့ရတဲ့ အဖြစ်ကို ဘဝတူ မိန်းကလေးတွေကသာ စာနာနားလည်ပေးနိုင်မှာပါ။ ထပ်တူထပ်မျှခံစားနိုင်မှာပါ။

နိုင်ငံခြားမှာ မိန်းကလေးတွေတော်တော်များများ နိုင်ငံခြားသားတွေနဲ့ ရည်ငံနေတာ လူတိုင်းသိပါတယ်။ လူမှုရေးကိစ္စတွေ ဖြစ်နေလေတော့ ကာယကံရှင်တွေကို ဘယ်သူတွေက အမုန်းခံပြီးတားဖြစ်နိုင်မှာလဲ။
တားခဲ့ နိုင်တယ်ဆိုရင်တောင်မှာ ဘယ်နှစ်ယောက်ကို လိုက်ပြီး တားနိုင်မှာလဲ။ သူငယ်ချင်းတွေ တစ်ယောက်ပြီးတစ်ယောက် ပါကုန်တာကို ထိုင်ကြည့်နေရတဲ့ ကိုယ့်ခံစားချက်ကို ကိုယ်တိုင်အသိဆုံးမို့ ပို့စ်တစ်ခုမှာတောင် ရေးဖြစ်ခဲ့ပါတယ်။

မြန်မာ မိန်းကလေးတစ်ယောက်ကို တပါးသူကိုပေးလိုက်ရတိုင်း ကိုယ့် ကိုယ်ထဲကသွေးတွေကို ဖောက်ထုတ်ပြီးပေးခဲ့ရသလို နာနာကျင်ကျင်ခံစားခဲ့ရပါတယ်။ အကြိမ်ကြိမ်တားခဲ့ဘူးသလို အကြိမ်ကြိမ်လဲ လူမုန်းခံခဲ့ရဖူးပါတယ်။ ဒါပေမယ့် အမှန်တရားတွေ ဖြစ်နေပြန်တော့ လဲကိုယ့်သူငယ်ချင်းလေးတွေအတွက် ကိုယ်စိတ်မကောင်းဖြစ်ရုံကလွဲလို့ ဘာမှ လုပ်လို့မရခဲ့ပါ။

အခုကိစ္စမှာတော့ အမှန်တဝက် အမှားတဝက် ဖြစ်နေတာကိုတွေ့ရပါတယ်။ ကိုယ်က စာနာပေမယ့် မစာမနာပြောနေကြတာတွေ ကြားတိုင်းလဲ အောင့်သက်သက်နဲ့ ခံစားရပါတယ်။ သူလေးရဲ့ နောက်ဆုံးအချိန်မှာ သူ့ရဲ့ အရှက်နဲ့ သိက္ခာပါမက သူ့မိသားစု အသိုင်းအဝိုင်းရဲ့ သိက္ခာတွေပါ ထိခိုက်ကုန်ပါတယ်။ လုံးဝမဖြစ်သင့်တာတွေ ဖြစ်ကုန်တာပါ။

မိန်းကလေးနဲ့ ယောက်ျားလေး ရရှိပိုင်ဆိုင်ထားတဲ့ အခွင့်အရေးချင်းက မတူပါဘူး ဘယ်လိုမှလဲ ယှဉ်လို့မရပါဘူး။
မိန်းကလေးမှာက ပင်ကို သဘာဝမှာကိုက အားနည်းပြီးသားပါ။ ယော်ကျားတွေကို ဖြေဖျော်ဖို့ သက်သက် လူဖြစ်လာတာ မဟုတ်ပေမယ့် မိန်းကလေးလဲ မိန်းကလေးအလျှောက် တန်ဘိုးတွေ သိက္ခာတွေ ရှိပါတယ်။ အားနည်းချက်တွေကို သိကြတဲ့သူတွေက အနိုင်လိုချင်ကြပါတယ်။ ပါးစပ်လေးနဲ့ပဲ ပြောရပြောရ ဘယ်လိုလေးပဲ ဝေဖန်ရ ဝေဖန်ရ ဝေဖန်ချင်ကြပါတယ် ပြောချင်ကြပါတယ်။

သံရုံးမရှိတဲ့ တိုင်းပြည်မှာ ရက်ရက်စက်စက် အသတ်ခံရသလို ဘုန်းကြီးမရှိတဲ့ အမျှပေးလို့မရတဲ့ တိုင်းပြည်မှာ ကွယ်လွန်ခဲ့တဲ့ သူမရဲ့ ဘဝနိဂုံးက လုံးဝမလှပခဲ့ပါဘူး။ အရှက် အသက် သိက္ခာ ဘာမှမကျန်အောင် ရင်းနှီးပေးဆပ်ရလောက်အောင် အတိတ်ကံ မကောင်းခဲ့သူလေးအတွက် နေ့စဉ်နဲ့အမျှ စာနာသနားနေမိပါတယ်။

မိန်းကလေးတစ်ယောက်ရဲ့ အသက်အရှက် သိက္ခာတွေကို ပုံတူ စာနာနားလည်သူတွေ တိုးပွားလာဖို့လဲ ဆုတောင်းမိပါတယ်။

သူတို့ ကုမ္ပဏီက တာဝန်ရှိသူတွေက သူ့အလောင်းကို ရန်ကုန်အရောက်ပြန်ပို့ပေးဖို့ စီစဉ်နေကြပါတယ် ။ သူတို့ HR ကလူကြီးတွေ ကိုယ်တိုင် မိသားစုကို ဖုန်းဆက်ပြီး အစစအရာရာ တာဝန်ယူကြောင်း ရန်ကုန်အရောက် လိုက်ပို့ပေးမယ့် အကြောင်း ပြောခဲ့ပါတယ်။

အမှန်တရားကို ဖော်ပြချင်လို့ သူ့ရဲ့ သူငယ်ချင်း ဖြစ်သလို ကိုယ့် သူငယ်ချင်းလဲ ဖြစ်တဲ့ သူမရဲ့ လုပ်ဖော်ကိုင်ဘက် တစ်ယောက်ကို ဖုန်းဆက်မေးပြီးမှ ဒီပို့စ်လေးကို ရေးဖြစ်တာပါ။

သူမရဲ့ အရိပ်ဆိုးကြီးကို လုံးဝ ဖျောက်လို့မရပေမယ့် ကျန်ရစ်တဲ့ မိသားစု ရဲ့ သိက္ခာကို အနည်းအကျဉ်းလောက် ဖြစ်ဖြစ် ပြန်ဆယ်ပေးချင်ပါတယ်။ ကျန်နေခဲ့တဲ့ မိသားစုအသိုင်းအဝိုင်းရဲ့ မျက်နှာ မိခင်မဲ့ခဲ့ရတဲ့ ခြောက်နှစ်သမီးလေး နဲ့ ဇနီးမယားကို ဆုံးရှုံးခဲ့ရတဲ့ ခင်ပွန်းတစ်ယောက်ရဲ့ သိက္ခာ ကိုလဲ ထည့်သွင်းပြီး စာနာပေးချင်ပါတယ်။

သတင်းအပြည့်အစုံကိုတော့ Gulf News မှာဝင်ဖတ်လို့ရပါတယ်။

Ref : http://mysterysnow.blogspot.com/

ကိုရီးယားပုံပြင်

ဒီကောင်မလေးကို ပြန်တွေ့လိုက်ရတော့ ကိုယ်ငိုချင်သလိုလို ဝမ်းနည်းလာသလိုလို
သူ့ကိုလဲ ဘယ်လို ပြန်ပြီးနှုတ်ဆက်ရမယ်မှန်းမသိ။ပြန်တွေ့တဲ့ နေရာကလဲ
သိမ်ကြီးဈေးက နိုက်ကလပ်တစ်ခုရှေ့မှာ သူငယ်ချင်းမွေးနေ့မို့ သူငယ်ချင်းတွေစုပြီး
သိမ်ကြီးဈေး ခေါင်မိုးပေါ်က စားသောက်ဆိုင်မှာ ညစာစားပြီး အပြန် တက္ကစီငှားဖို့
စောင့်နေချိန် အချိန်က ည ၁၂ နာရီကျာ်လောက်။

သူကဝမ်းသာအားရနဲ့ လာနှုတ်ဆက်တာမို့ ပြန်နှုတ်ဆက်ဖြစ်ပေမယ့် အကြာကြီးတော့
စကားမပြောဖြစ်ခဲ့။သူ့ကို ဒီလိုပြန်တွေ့ရတော့ ကိုယ်တိုင်အပြစ်မကင်းသလို
ခံစားမိပေမယ့် အချိန်တွေက လွန်ခဲ့ပြီးပြီ မို့ သူကလေးကို သနားရုံကလွဲပြီး နောက်ကြောင်းပြန်လှည့်လို့မရတော့ပါ။ သူ့ဘဝလေးကလဲ ပြန်ပြင်လို့မရတော့ပါ။

ဒီကောင်မလေးကို စတွေ့တာက ကိုယ်ပထမဆုံး စလုပ်တဲ့ ကုမ္ပဏီမှာ။ ဒါပေမယ့်
သူလေးကကတော့ ကုမ္ပဏီဝန်ထမ်းတော့မဟုတ်။ ကုမ္ပဏီပိုင်ရှင် ကိုရွှေကိုရီးယားက
ဘီယာဆိုင်တစ်ဆိုင်လဲဖွင့် ထားတာမို့ သူတို့လေးတွေက ဆိုင်မှာနေရတာများပြီး
တခါတရံမှ ရုံးခန်းကိုလာတတ်ပါသည်။

လာတိုင်းလဲ မမရေ နေကောင်းလား အလုပ်ရှုပ်နေလားထက် ပိုပြီးသူတို့မနှုတ်ဆက်ရဲကြ။ စကားသိပ်မပြောဖြစ်ခဲ့ကြ။ တစ်ယောက်အကြောင်း တစ်ယောက် မသိကြ။
ကိုယ်သိတာက သူတို့က ဘီယာဆိုင်မှာ စားပွဲထိုးလုပ်တဲ့ ကောင်မလေးတွေလို့ပဲ
သိပါသည်။ ဒီ့ထက်ပိုမသိခဲ့ပါ။ ကိုယ်တိုင်က အသက်ငယ်သေး တာလဲပါပါသည်။
သူတို့က မမခေါ်နေပေမယ့် ကိုယ်တိုင်က ၁၈- ၁၉ ဝန်းကျင် သူတို့ကတော့
အလွန်ဆုံးရှိလှ ၁၆ နှစ်ထက်မပိုကြ။ သူတို့က စုစုပေါင်း သုံးယောက်ဘယ်အချိန်ပဲ
လာလာ တတွဲတွဲ ရီလိုက်မောလိုက် တခါတလေ သူတို့ပါပါးကအော်ရင်တော့
ငိုယိုပြီးပြန်သွားတတ်ကြသည်။

သူတို့က သူဌေးကို ပါပါးခေါ်ကြသည်။ သူတို့ပါပါး ကိုယ့်သူဌေးက Shipping ကုမ္ပဏီ
ဖွင့်ထားပေမယ့် တိတိကျကျ ဘာတွေလုပ်နေမှန်းကိုယ်မသိ။ အဲဒီအချိန်တုန်းက
သီလဝါ ဆိပ်ကမ်းက ဆောက်နေတုန်းမို့ သီလဝါ ဆိပ်ကမ်းအတွက် လိုအပ်တဲ့
ပစ္စည်းတွေကို ကိုရီးယားကနေ မှာပေးနေတာ တစ်ခုတော့သိသည်။
ပစ္စည်းတွေရောက်တိုင်း ရုံးကလူတွေ သီလဝါမှာ တနေကုန် သွားပြီးအလုပ်ရှုပ်နေတာ
ကိုတော့ မြင်နေကျ။ ဒါကလဲ တော်တော်ကို ရှားပါးလှတဲ့ တခါတရံ။

ပြီးတော့ မနက်တိုင်းမနက်တိုင်း အဖိုးကြီး တစ်ယောက်က ရန်ကုန်ဆိပ်ကမ်းကို
ဝင်မယ့် နိုင်ငံခြား သင်္ဘောတွေစာရင်းကို လာပို့နေကျ။ ကိုယ်တိုင် ဖိုင်တွဲပြီး
သိမ်းနေပေမယ့် ဘာမှန်းမသိခဲ့။ ကျန်တဲ့လုပ်ဖော်ကိုင်ဘက် သူငယ်ချင်းတွေလဲ မသိခဲ့ကြ။

ကောင်မလေး သုံးယောက်ထဲမှာမှ နည်းနည်းခပ်ကြီးကြီး ကောင်မလေးက ခဏခဏ
နေမကောင်းဖြစ် တတ်သည်။ နေမကောင်းဖြစ်လို့ ဆေးခန်းသွားရတိုင်းလဲ ရုံးမှာပိုက်ဆံ
လာထုတ်နေကျ။ သူတို့ပါပါးကလဲ ဆိုးတာမှ တာတေလန်အောင်ကို ဆိုးပါသည်။
ကိုရီးယားကားထဲက ကိုရီးယားတွေနဲ့ တော်တော်ကွာပါသည်။ စရိုက်ကလဲ ကြမ်းပါသည်။
ဘာစကားပြောပြော အော်ပြီးပြောနေကျ။ သူစိတ်တိုရင်တော့ ရုံးခန်းမှာ ကမ္ဘာပျက်သလို
သောင်းကျန်းချင်တိုင်း သောင်းကျန်းနေကျ။ အဲသူက မြန်မာစကားကိုတော့ ကမ္မဝါ
ဖတ်လို့ရလောက်အောင် မြန်မာ မျက်စိလည်အောင် ကျွမ်းကျွမ်းကျင်ကျင် ပြောနိုင်ပါသည်။

မြန်မာမိန်းမကိုလဲ လက်ထပ်ယူထားပါသည်။ ယူတာကမှ နှစ်ယောက် တပြိုင်တည်းယူ
ထားတာ။ ပြီးတော့ သူကပြောပါသေးတယ် သူမယားငယ်ယူတာမဟုတ်ပါတဲ့
မယားပြိုင်ထားတာပါတဲ့။ သူ့ရဲ့ စမောလေးကို မယားငယ်လို့ပြောရင်
သူတော်တော် စိတ်ဆိုးပါသည်။ နှစ်ယာက်စလုံးက ပညာတတ်တွေ မဟုတ်ကြပါ။

သူ့ဆိုင်ကကောင်မလေး သုံးယောက်ကလဲ သူနဲ့ ဘယ်လိုမှန်းမသိ
ဘယ်သူမှခန့်မှန်းလို့မရ။ ဒီကြားထဲ သူ့စက်ကပ်ကြေး ( Secretary)မမ ကိုလဲရိသဲ့သဲ့
သူအချစ်ကံဆိုးကြောင်း မကြာခဏညည်းပြနေတတ်ပါသည်။တမင်နောက်ကျအောင်
ခိုင်းတတ်ပြီး အိမ်ပြန်တိုင်းလဲ သူကလိုက်ပို့ပေးတတ်ပါသည်။

ကလေးမလေး သုံးယောက်မှာ ပါပါးရဲ့ အချစ်ဆုံးဆိုင်က Cashier ကောင်မလေးက
တော့ ၁၆နှစ်သာသာ ဆယ်တန်းအောင်ကာစ ကောင်မလေး ရုပ်လေးက
သန့်သန့်ပြန့်ပြန့်လေး။ သူ့ကိုတော့ ပါပါးက ကျောင်းဆက်ထားပေးပါသည်။
သူတစ်ယောက်တည်း ဆယ်တန်းအောင်တဲ့ ပညာတတ်လေးမို့ ပါပါးက
ပိုပြီးအရေးပေးပါသည်။

နေမကောင်းခဏခဏ ဖြစ်တတ်တဲ့ တစ်ယောက်ကတော့ အသက်၁၉ နှစ်
လောက်ပဲ ရှိပါသည်။ ဒါပေမယ့် သူက နဲနဲထွားထွား အရပ်မြင့်မြင့် အသားဖြူဖြူလေး
နောက် အငယ်ဆုံးလေးက ၁၅ နှစ် ၁၆ နှစ်လောက် အရပ်ပုပု သေးသေးလေး
မျက်နှာလေးက တကယ့် ကလေးလေးလိုအပြစ်ကင်းတဲ့ ကောင်မလေး။
သူတို့ နှစ်ယောက်ကတော့ မြန်မာစာကို ရေးတတ်ဖတ်တတ်ရုံပဲ
တတ်ပေမယ့် အင်္ဂလိပ်လိုတော့ တစ်လုံးစနှစ်လုံးစ နဲနဲ ပြောတတ်ပါသည်။

ရံဖန်ရံခါ ရုံးခန်းကို နိူင်ငံခြားသားတွေ လာတတ်ပါသည်။ သင်္ဘောသားတွေမှန်း
မြင်ရုံနဲ့သိသာပါသည် သူတို့ ပုံစံတွေက ဆံပင်စုတ်ဖွား နေလောင်ထားတဲ့ နီရဲရဲ
အသားအရေတွေနဲ့ ။ ပါပါးအခန်းထဲမှာ စကားတွေပြောတတ်ကြသည်။
သူတို့နိူင်ငံတွေကို ဖုန်းခေါ်ချင်ရင်တော့ ကိုယ်တို့ သူငယ်ချင်းတွေက
ကူညီပေးနေကျ။

အဓိကပြောချင်တာက ပါးပါးနဲ့ ပါပါးမွေးစားသမီးတွေ ဇာတ်လမ်း။
လူလည်ကျလွန်းတဲ့ ကိုရီးယားရဲ့ ဇာတ်လမ်း။

တနေ့ ထုံးစံအတိုင်း ရုံးကလူတွေ သီလဝါကို ရောက်နေကြပြီး
ကိုယ်တစ်ယောက်တည်း ရုံးမှာ ကျန်ခဲ့တဲ့ အချိန်မီးကလဲ ပျက်နေတာမို့
တံခါးကြီးဖွင့်ပြီး လမ်းမက ဖြတ်သွားဖြတ်လားတွေကို ငေးနေတဲ့အချိန်။
ဘီယာဆိုင်က ကောင်မလေး နှစ်ယောက် ရုံးကိုရောက်လာပါတယ်။
ခဏခဏဖျားတဲ့ ကောင်မလေးရယ် ကောင်မပိစိလေးရယ်။
ထုံးစံအတိုင်း ဆေးခန်းသွားဖို့ ပိုက်ဆံလာယူတာပါ။ သူဖျားနေတယ်ဆိုလို့
သူ့နဖူးလေးကို စမ်းကြည့်တော့ ကိုယ်လဲမပူ ဒါပေမယ့် သူ့ပုံစံလေးက
ပင်ပန်းနေတဲ့ ပုံပေါက်နေပါတယ်။ ဘာဖြစ်တာလဲ မေးကြည့်တော့
ဗိုက်အောင့်တာလို့ ပြောပြီး ရှုံ့မဲ့နေပါတယ်။ သူအဲလိုပဲ မကြာမကြာ
ဖြစ်နေတာလို့ လေသံလေးနဲ့ ညည်းပြပါတယ်။

သူတို့ပါပါးလဲ မရှိတာမို့ ဒီတခါတော့ လွတ်လွတ်လပ်လပ် စကားပြောခွင့်
ရနေပါတယ်။ ချာတိတ်မပိစိလေးက ရုတ်တရက် သတိတရနဲ့ မမရေ
ပါပါးမရှိတုန်း ကူညီပါအုံးဆိုပြီး သူ့ပိုက်ဆံအိတ်ထဲက စာလေးတစ်စောင်
ထုတ်ပေးပါတယ်။ သူ့ရည်းစားဆီကစာကို ဘာသာပြန်ပေးပါဆိုလို့ စာကိုကိုင်ပြီး
ချာတိတ်မကို တလေးတစားနဲ့ ကြည့်မိပါတယ်။ ကိုယ်တောင် ရည်းစားဆိုတာ
ဘာမှန်းမသိသေးတဲ့ အချိန် သူတို့က ရည်းစားတွေရလို့ ရည်းစားကမှ
နိူင်ငံခြားသား တော်တော် လဲစွံနေပါလားလို့ ပြောရင်းဆိုရင်း စာကို စဖတ်ပါတယ်။

ပထမတစ်ကြာင်းကတော့ ဟုတ်လို့ ဟန်နီရေ နေကောင်းလားတဲ့။
ဘာသာပြန်ပေးရတဲ့ကိုယ်ကလဲ နိူင်ငံခြားသား ရေးတဲ့ ရည်းစားစာကို
ခုမှစတွေ့ဖူးတာဆိုတော့ ဝမ်းသာအားရနဲ့ တစ်လုံးချင်းဘာသာပြန်ပေးပါတယ်။
နောက်တစ်ကြောင်းကို ဖတ်မိတဲ့ အချိန်မှာတော့ မျက်လုံးတွေပါ ပြာကုန်ပါတယ်။
ပါးစပ်အဟောင်းသားနဲ့ ဘာဆက်ပြောရမှန်းမသိအောင် ဖြစ်သွားပါတယ်။
အသံမထွက်ပဲ စိတ်ထဲက တိုးတိုးလေး ဖတ်ကြည့်မိတော့ ကိုယ်က အဝေးကို
ရောက်နေတဲ့ အချိန်မှာ မင်းက ဘယ်သူတွေနဲ့ အိပ်နေပြီလဲ လို့ရေးထားပါတယ်။ နောက်ထပ်ဆက်ဖတ်ကြည့်တော့လဲ ရေးထားတဲ့ စကားလုံးအသုံး အနှုန်းတွေက
တော်တော် ကြမ်းလာပါတယ်။ စာကိုလဲ ဆက်ပြီး မဖတ်ရဲတော့ပါ။

စာကိုကိုင်ပြီး ချာတိတ်မတွေ ကိုဘာဆက်ပြောရမှန်းမသိအောင် ကြောင်နေပါတယ်။
ကလေးမတွေကတော့ ကိုယ့်ကိုစောင့်ပြီးနားထောင်နေပါတယ်။ သူတို့လေးတွေကို
သနားတာမို့ ပါးစပ်ထဲက တံတွေးတွေကို မျိုချပြီး စာထဲမှာမပါတဲ့ နင်အခု
ဘာတွေလုပ်နေလဲ ငါ့ကိုရော လွမ်းနေရဲ့လား ဘာလားနဲ့ ရွှီးပေးလိုက်ပါတယ်။
အငယ်မလေးတော်တော် ပျော်သွားပါတယ်။

သူ့စာပြီးတော့ နေမကောင်းတဲ့ ကောင်မလေးက သူ့အိတ်ထဲကပါ စာတစ်စောင်ထပ်
ထုတ်ပေးပါတယ်။ ကိုယ်လဲ အားနာတာနဲ့ ထုံးစံအတိုင်း ထပ်ရွှီးပေးလိုက်ပါတယ်။
စာကိုတော့ သေချာမကြည့်တော့ပါ။ ဒါပေမယ့် သူတို့ ယုံအောင် ခပ်တည်တည်နဲ့
ဖတ်ချင်ယောင် ဆောင်ပြရပါတယ်။ စာတွေကို ဘာသာပြန်ပြီးတဲ့ အချိန်မှာတော့
သူတို့လေးတွေရဲ့ ဘဝတွေကို စပြီးရိပ်မိလာပါတယ်။

ဘာသာပြန်တဲ့ ကိစ္စတွေပြီးတော့ ကလေးမလေးတွေကလဲ အားကိုးတကြီးနဲ့
သူတို့ဇာတ်ကြောင်းတွေကို ရင်ဖွင့်လာပါတယ်။ ပါပါးက ဘီယာဆိုင်မှာ
စားပွဲထိုးလုပ်ရမယ်ဆိုပြီး ညာပြီးခေါ်ထားတာပါတဲ့။ ရွာမှာရှိတဲ့ မိဘတွေကို
ပိုက်ဆံပေးပြီး သူတို့ကို တစ်နှစ်တိတိ လုပ်ပြီးမှ ပြန်ရမယ်လို့ ပြောထားပါတယ်တဲ့။
တကယ်ဆို သူရွာမှာပေးထားခဲ့တဲ့ ပိုက်ဆံက တစ်သိန်းတောင် မပြည့်ပါဘူး
ခုနစ်သောင်းလို့ ပြောပါတယ်။ ပြီးတော့ သူတို့လေးတွေရဲ့ မှတ်ပုံတင်တွေ
ကိုလဲသိမ်းထားပြန်ပါတယ်။

ပြီးတော့ ပါပါးက ကလေးမလေးတွေကို ရန်ကုန်ဆိပ်ကမ်းကို ညတိုင်းသူကိုယ်တိုင်
သွားပို့ပါတယ်။ ဒီတော့မှပဲ သင်္ဘောတွေရဲ့ အချိန်စာရင်းတွေကို သူကတကူးတက
မှာပြီးဖိုင်တွဲထားတာကို ပြေးမြင်ပါတယ်။ ကလေးမတစ်ယောက်ချင်းဆီကို
ရှစ်ထောင်နူန်းနဲ့ သူကိုယ်တိုင် ပိုက်ဆံယူပါတယ်။ကလေးတွေကိုလဲ
ပိုက်ဆံပေးမသုံးပါဘူး လိုတဲ့ အသုံးစရိတ်တွေလောက် ကိုပဲ သူကပေးပါတယ်။
အဲဒီအချိန်တုန်းက ဒေါ်လာဈေးက မြန်မာငွေ၂၈၀- ၂၉၀ ပဲရှိပါတယ်။

ကျေးဇူးရှင် တော်တော်လူလည်ကျတာကို သိရတော့ ဒေါသလဲ ဖြစ်ပါတယ်။
ကလေးမတွေ အတွက်စိတ်လဲ မကောင်းပါဘူး ကလေးမလေးတွေက
ငယ်ငယ်ရွယ်ရွယ်နဲ့ မိဘကို လုပ်ကျွေးချင်စိတ်နဲ့ မိဘခွင့်ပြုချက်နဲ့
သူ့နောက်လိုက်လာကြတာပါ။ သူကတော့ မြန်မာပြည်မှာနေပြီး
မြန်မာမိန်းကလေးတွေကို မိန်းမပျက်လေးတွေ ဖြစ်အောင်ခိုင်းစားနေပါတယ်။
လုံးဝမတရားပါဘူး ကလေးမလေးတွေကို ထွက်ပြေးဖို့ အကြံပေးပါတယ်။
ရဲစခန်းကို တိုင်ဖို့လဲ ပြောလိုက်ပါတယ်။

ကလေးမလေးတွေက သူ့ပါပါးကို တော်တော်ကြောက်နေရပါတယ်။
သူတို့လေးတွေ မကြာခဏလဲ အရိုက်ခံရတာတွေ့ဖူးပါတယ်။ ထွက်ပြေးရင်
သတ်ပစ်မယ်လို့လဲ သူက မကြာခဏပြောပါတယ်။သူက သူတို့နယ်အပိုင်
ရဲစခန်းက စခန်းမှူးနဲ့လဲ အပေးအယူ ဇာတ်လမ်းတွေ လုပ်ထားပါတယ်။
သူ့ကို ဖယ်သူမှဖမ်းလို့မရဘူး လာဖမ်းရဲတဲ့ရဲ ရှိရင်လဲ အဲဒီရဲကိုဘဝပျက်အောင်
လုပ်မှာလို့ တခါတလေ ပြောတတ်ပါတယ်။သူက သူတို့တိုင်းပြည်မှာတုန်းက
လူဆိုး ဂိုဏ်းဝင် နာမည်ပျက်စာရင်းဝင်လို့လဲ အသိတစ်ယောက်က ပြောပါတယ်။

ကိုယ်ကလဲ ဒီကလေးမလေးတွေကို ဘာလုပ်ပေးရမလဲ ဆိုတဲ့ အသိနဲ့ပဲ တော်တော်
ဦးနှောက်ခြောက်နေရပါတယ်။ မြန်မာပြည်ကရဲတွေကလဲ တော်တော်ကို ဆိုးပါတယ်။
ငွေမျက်နှာကိုပဲ မြင်တတ်ပါတယ်။ ခေတ်စနစ်ကြောင့်လဲ ဖြစ်မှာပါ။ကိုယ်ကလဲ
ကလေးသာသာ ဘာမှလဲ နားမလည်တဲ့ အချိန်မို့ အိမ်ကလူကြီးတွေကို
မေးကြည့်တော့ အိမ်ကလဲ ကလေးတွေကိုသာ ထွက်ပြေးခိုင်း ကျန်တာက
ညည်းဘာမှလုပ်လို့ မရဘူးလို့ပြောပါတယ်။ လူကြီးတွေကတော့ လူကြီးအတွေးနဲ့
သူ့ကိစ္စတွေထဲ ဝင်မစွက်ဖက်ချင်ကြပါ။

နောက်ပိုင်းမှာ ကောင်မလေးတွေ ရုံးကို လာတိုင်းထွက်ပြေးဖို့ ပြောပြပါတယ်။
လိုတဲ့စရိတ်လဲပေးမယ် မပြန်တတ်ရင်လဲ လိုက်ပို့ပေးမယ် လို့သူတို့ကို ပြောပါတယ်။
သူတို့လေးတွေက ဝမ်းမသာနိုင်ပါဘူး ပါပါးက သူတို့မိဘတွေကိုပါ ပြဿနာလိုက်ရှာမှာမို့
မလုပ်ရဲကြပါဘူး။ သူတို့အိမ်တွေကိုပါ မီးနဲ့ရှို့မယ်လို့ ပြောထားပါတယ်တဲ့။
ကောင်းရော ကိုလူလည်ကတော့ မသိနားမလည်တဲ့ တောသူတောင်သားတွေကို
နည်းမျိုးစုံနဲ့ ခြိမ်းခြောက်လို့ ဂုတ်သွေးစုတ်နေတာပါ။

ကိုယ့်စည်းရုံးရေးက မအောင်မြင်တော့ ကိုယ်လဲ ပွဲကြည့်ပရိတ်သတ်လုပ်နေခဲ့ရပါတယ်။
အဲဒီကုမ္ပဏီမှာလဲ ကြာကြာ မလုပ်ခဲ့ရပါဘူး။ အခြားပိုကောင်းတဲ့ အလုပ်အခွင့်အရေးရတာမို့
အခြားရုံးခန်းကို ပြောင်းရပါတယ်။ အဲဒီရုံးခန်းကလဲ ကိုရီးယားသင်္ဘော ကပ္ပတိန်ရဲ့ ရုံးခန်းပါ။
ကိုရီးယားတွေနဲ့ တော်တော် ရေစက်ပါလို့ နောက်ထပ် ကိုရီးယား ဇာတ်လမ်းတွေ
ထပ်တွေ့ရပါတယ်။

နောက်ပိုင်းမှာ သိရတာကတော့ ရန်ကုန်မြို့မှာ ရှိရှိသမျှသော ကိုရီးယားစားသောက်ဆိုင်
တွေမှာ မြန်မာကောင်မလေးတွေ အများကြီးရှိတတ်ပါတယ်။ စားသောက်ဆိုင်တွေရဲ့
အနောက်မှာ အိမ်တန်းလျားကြီးတွေနဲ့ ကောင်မလေးတွေကို မွေးထားတာပါ။
ပါပါးကြီးဆိုင်ကတော့ ဘီယာဆိုင်သေးသေးလေးမို့ ကောင်မလေး
သုံးယောက်တည်းထားတာပါ။ ကိုယ်ထပ်တွေ့ခဲ့ရတဲ့ နာမည်ကြီး ဆိုင်တစ်ဆိုင်ရဲ့
နောက်မှာတော့ ကောင်မလေး ၃၀ ကျော်ကို တစုတဝေးတည်း ထားထားတာ
မသိရင် အမျိုးသမီးဘော်ဒါဆောင်လိုပါပဲ။

အဲဒါမြန်မာပြည်ရောက် ကိုရီးယားတွေရဲ့ ယဉ်ကျေးမှုလေး တစ်ခုပါပဲ။
တီဗွီကလာတဲ့ ကိုရီးယားဇာတ်လမ်းတွေကြောင့် မြန်မာပြည်က
ပရိတ်သတ်တွေ အအိပ်ပျက် အစားပျက် ဖြစ်နေကြသလို ကိုရီးယား
စားသောက်ဆိုင်တွေမှာ ကိုရီးယားယဉ်ကျေးမှု ကူးစက်လာပြီး
မြန်မာမလေးတွေ ဘဝပျက်နေကြတာလဲ အများကြီးဖြစ်နေကြပါပြီ။

သူငယ်ချင်းတွေ အအိပ်ပျက် အစားပျက်ခံပြီး ကိုရီးယားကားတွေ
ကြည့်နေကြတာမြင်တိုင်း ကိုရီးယား စားသောက်ဆိုင်တွေ နောက်ကွယ်က
ရိုးသားတဲ့ မြန်မာကောင်မလေး တစ်ချို့ကို ပြေးမြင်မိပါတယ်။
ကိုရီးယားမင်းသားက မင်းသမီးကို စိတ်ရှည်လက်ရှည် ပိုးပန်းနေတာမြင်တိုင်း
အသိမကြွယ်သေးတဲ့ ကလေးမလေးတွေကို ဘဝပျက်အောင်
မိန်းမပျက်လေးတွေ ဖြစ်အောင် လုပ်ခဲ့တဲ့ ပါပါးကြီးကို ပြေးမြင်ပါတယ်။
ကိုယ်ကတော့ ဟန်ဆောင် အပေါ်ယံတွေနဲ့ ရိုက်ကူးထားတဲ့ ကိုရီးယားကားတွေကို
ဘယ်တုန်းကမှ မကြည့်သလို အမှတ်တမဲ့ ကြည့်မိတိုင်းလဲ ဇာတ်လမ်း လှလှလေးတွေ
ဖန်တီးပြီး ကမ္ဘာပေါ်က ပရိတ်သတ်ကို လိမ်နေတာလို့ မြင်ပါတယ်။ ကိုယ်တွေ့ဖူးခဲ့တဲ့
ကိုရီးယားတွေ တော်တော်များများဟာ ရုပ်ရှင်တွေထဲကလို အပြင်မှာ
မယဉ်ကျေးကြပါဘူး။ မသိမ်မွေ့ကြပါဘူး။ အဆင့်အတန်းမရှိလှပါဘူး။

တချို့တချို့သော မျိုးကောင်းရိုးကောင်း ပညာတတ် လူရည်မွန်ကိုရီးယား
တွေကလွဲလို့ပေါ့။ အရမ်းတော်တဲ့ ယဉ်ကျေးသိမ်မွေ့ တဲ့ကိုရီးယား တစ်ယောက်စ
နှစ်ယောက်စကိုတော့ ရှားရှားပါးပါး မြင်ဖူးပါတယ်။

အငယ်မလေးကို နိုက်ကလပ်မှာတွေ့ခဲ့တဲ့ ညက တညလုံးအိပ်မရပဲ
သူတို့လေးတွေရဲ့ မျက်နှာလေးတွေကို မြင်နေမိပါတယ်။

နူရာဝဲစွဲ လဲရာသူခိုးထောင်းဆိုသလို ဆင်းရဲ နုံချာလွန်းတဲ့ နယ်ဘက်က
ကလေးလေးတွေ အလုပ်လုပ်ချင်တဲ့ စိတ်ကလေးတွေနဲ့ ရန်ကုန်ကိုလာတဲ့
အချိန်မှာတော့ မရည်ရွယ်ပဲ မိန်းမပျက်လေးတွေ ဖြစ်ကုန်ကြတာ ရင်နာစရာပါ။

ပြူသူရဲ့ အပြစ်လား ခံရသူမှာပဲ အပြစ်ရှိနေတာလား.....
ယဉ်ကျးမှုတွေ နယ်ချဲ့ လာတဲ့ ကိုရွှေနိုင်ငံကြီးသားတွေကို အပြစ်တင်ရမလား....
နုံလွန်း အလွန်းတဲ့ မြန်မာ မိန်းကလေးတွေ မိဘတွေ ကိုပဲ အပြစ်တင်ရမှာလား.....
သိရက်နဲ့ မျက်ကွယ်ပြုနေခဲ့ကြတဲ့ အဂတိ လိုက်စားနေသူ နိူင်ငံ့ဝန်ထမ်းတွေ
ကိုအပြစ်တင်ရမလား....ကူညီခွင့် ကြုံပါလျက်နဲ့ ထိရောက်အောင်
မကူညီနိုင်ခဲ့တဲ့ ကိုယ့်ကိုယ်ကို ပဲ အပြစ်တင်ရမလား...


Ref : http://mysterysnow.blogspot.com/
..................

Virgin For Sale

Ref: The Daily Telegraph
Ref: http://july-dream.blogspot.com

(1).

Taj Mahal နဲ့ အနောက်ဘက် မိုင်သုံးဆယ်လောက် ဝေးတဲ့နေရာမှာ Jaipur ဆိုတဲ့ ပန်းနုရောင် မြို့ကလေး ရှိပါတယ်။ ကမ္ဘာလှည့်ခရီးသွား တိုးရစ်ကားတွေ ဒီရွာဘေးက ဖြတ်သန်းသွားနေပေမယ့် ခရီးသွားလမ်းညွှန် တစ်ခုအနေနဲ့ အထင်ကရဖြစ်တဲ့ မြို့လေးတော့ မဟုတ်ပါဘူး။

ဖြစ်သလိုလေး ဆောက်ထားတဲ့ တဲအိမ်စုတွေရှိတဲ့ ရွာလေးရဲ့ ညစ်ပေနေတဲ့ လမ်းပေါ်မှာ အသက် ၁၈ နှစ်အောက် မိန်းခလေးတွေနဲ့ အသက် ၁၅ နှစ်အောက် ငယ်တဲ့ ခလေးမလေး ၂ ဦး ဟိုဟိုဒီဒီ လျှောက်နေတာတို့ လမ်းဘေးမှာ ထိုင်နေတာကို တွေ့နိုင်မှာပါ။

မိတ်ကပ်တွေ အလွန်ခြယ်သထားတဲ့ ဆေးဆိုးပန်းရိုက် မျက်နှာ... ပန်းရောင် ဆာရီ လှလှလေးဝတ်လို့... မိန်းခလေးတိုင်းဟာ တစ်မျိုးစီ ငြို့ငင်ဆွဲဆောင်နိုင်မှု ရှိနေကြပါတယ်။ မီးပုံလေး ဘေးမှာ ခွေးခြေလေးနဲ့ ထိုင်နေတဲ့ သူတို့ကို လမ်းပေါ်မှာ ဖြတ်သန်းသွားတဲ့ ကားတွေပေါ်ကနေ မြင်တွေ့နိုင်မှာပါ။

ဆူလီ... ၁၄ နှစ်အရွယ် အပျိုစင်လေး... သူမနဲ့ ပထမဦးဆုံး အိပ်စက်ခွင့်အတွက် လေလံပွဲကြီး ကျင်းပနေပါတယ်။ သူမ နေတဲ့ တဲအိမ်စု ရွာကလေးမှာ မိသားစု ၅၉ စု ရှိပါတယ်။ ရွာသူရွာသားတွေဟာ ရှေးအစဉ်အဆက်ကတည်းက ပြည့်တန့်ဆာလုပ်ငန်း လုပ်ခဲ့တဲ့ ဇာတ်က ဆင်းသက်လာတဲ့ လူမျိုးစုတွေပါ။ အဲဒီလို မိသားစုမှ မွေးဖွားလာတဲ့ သမီးမိန်းခလေးအဖို့ ပြည်တန်ဆာ အလုပ်ကို စတင် လုပ်ကိုင်နိုင်တာဟာ ဖြတ်သန်းရမယ့် ဘ၀လမ်းမှာ အရွယ်ရောက်ပြီဆိုတဲ့ ပြယုဂ်တစ်ခုပါပဲ။ ဒါမှမဟုတ်ရင် အခြား အိန္ဒိယသူတွေလို တင်တောင်းရမယ့် ပိုက်ဆံစုပြီး ယောကျာ်းယူကြပေါ့။ ပထမအကြိမ် အပျိုစင် ပန်းဦးလွှတ်ပွဲဟာ အလွန်ကို တန်ဖိုးကြီးတဲ့ ရောင်းကုန်တစ်ခုဖြစ်ပြီး အလယ်အလတ်ချမ်းသာတဲ့ စီးပွါးရေးလုပ်ငန်းရှင်တွေဟာ လေလံပွဲမှာ ကြေးကြီးကြီး ပေးဝယ်နိုင်ဖို့ ပြင်ဆင်ကြပါတယ်။

ပုံမှန်ဈေးကတော့ ရူပီး ၁၀၀ ဖြစ်ပေမယ့် အခုလို အပျိုစင်ဆိုရင်တော့ ကြမ်းခင်းဈေး ရူပီး ၂ သောင်းကျော် လေလံပွဲမှာ ဈေးအမြင့်ဆုံး ပေးတဲ့ လူကို ရောင်းချပါတယ်။ အကယ်လို့များ ခလေးမလေးဟာ အလွန်ကို ချောမောတယ် ဆိုရင် ရူပီး ၄ သောင်းအထက် ရရှိနိုင်ပါတယ်။ လေလံပွဲမှာ အနိုင်ရသွားတဲ့ လူအနေနဲ့ ခလေးမလေးကို သူ့ စိတ်တိုင်းကျတဲ့အထိ နာရီပေါင်းများစွာ နေ့ရက်များစွာ ပိုင်ဆိုင်ခွင့်ရပါတယ်။ တချို့ဆို ရက်သတ္တပါတ်ပေါင်း များစွာအထိ သိမ်းယူထားနိုင်ပါတယ်။ သူအနေနဲ့ ငြီးငွေ့သွားပြီဆိုရင် ပန်းဦးလွှတ်ပွဲ ပြီးပြီပေါ့။

အဲဒီလို အချိန်အခါမှာ ဧည့်ခံပွဲတစ်ပွဲ ကျင်းပ ရပါတယ်။ သူတို့ရဲ့ အယူအဆအရ အခုလို ပထမအကြိမ် အပျိုရည်ဖျက်ခံရပြီး ရတဲ့ပိုက်ဆံကို သိမ်းထားရင် စုဆောင်းထားရင် ခလေးမအတွက် ကံမကောင်းစေဘူးပေါ့။ ဒါကြောင့် အဲဒီပိုက်ဆံကို သုံးပစ်ရပါတယ်။ သူမနဲ့ သူမရဲ့ ဆွေမျိုးတွေအတွက် လက်ဝတ်ရတနာတွေ ၀ယ်ကြပါတယ်။ အစားအသောက်နဲ့ ယမကာတွေနဲ့ ဧည့်ခံပါတယ်။ ကကြ ခုန်ကြပါတယ်။ နတ်ဘုရားတွေကို ပူဇော်ကြပါတယ်။

မိန်းခလေးတစ်ဦးအနေနဲ့ အိမ်ထောင်မပြုခင် တစ်ကြိမ်တစ်ခါ အပျိုရည် ပျက်သွားတာနဲ့ အိမ်ထောင်ပြုခွင့် ဆုံးရှူံးသွားပါတယ်။ ပြည့်တန်ဆာအဖြစ် လုပ်ကိုင်မလား အိမ်ထောင်ပြုမလား ဆိုတဲ့ ရွေးချယ်မှုက ကာယကံရှင် မိန်းခလေးပေါ်မှာ မူတည်ပါတယ်။ ပြည့်တန်ဆာအလုပ်ကို ရွေးချယ်ပြီးတာနဲ့ ရပ်ရွာထဲမှာ သူမအတွက် မင်္ဂလာဦးည မဟုတ်တဲ့ ပွဲလေး ကျင်းပကြပါတယ်။

ဆူလီက ပြောပါတယ်။ ဒီလောကကို စတင် ၀င်ရောက်ဖို့ သူမအနေနဲ့ ပျော်ခဲ့ပါတယ်။ ဒီလောကကို သူမ ရွေးချယ်ခဲ့တာပါ။ သူမအနေနဲ့ အဲဒီလောကကြီးမှာ ဘာတွေ ဆက်ဖြစ်မလဲ ဆိုတာကို မသိနိုင် မမြင်နိုင်ပါဘူး။ ဒီလောကထဲမှာ ကျင်လည်နေတဲ့ အခြားမိန်းခလေးတွေကို သူ သိပေမယ့် သူတို့တွေ ဘယ်လို ကျင်လည် လှုပ်ရှားနေကြသလဲ ဘာတွေဖြစ်နေကြလဲ ဆိုတာကိုတော့ သူမ မမေးရသေးပါဘူး။ ဒါကြောင့် စိုးရိမ်စိတ်နဲ့ နည်းနည်းလေးတော့ ကြောက်မိပါတယ်တဲ့။

ယောကျာ်းတွေ ဘယ်လိုပုံစံ ရှိမလဲ ဆိုတာကို သူ စိတ်မပူပါဘူး ဆိုပြီး သူမက ထပ်ပြောပါသေးတယ်။ ညစာ လာစားဖို့ လှမ်းခေါ်နေတဲ့ အမေရှိရာကို အပြေးတစ်ပိုင်း မသွားခင်လေး ပြောသွားတာလေးက..... သမီးကတော့ ပိုက်ဆံ ဈေးအများဆုံး ပေးတဲ့သူရဲ့ နောက်ကို လိုက်သွားမှာပဲ တဲ့။

(2).

နီတာ... ဟိုဘက် တဲအိမ်က အပျိုစင်လေး... သူမမှာ အစ်မ လေးယောက် ရှိပါတယ်။ အားလုံး ပြည့်တန်ဆာ လုပ်နေကြပါတယ်။ အစ်မတစ်ယောက် ပြောပါတယ်။ နီတာက အတော်လေးကို ချောတဲ့အတွက် ရူပီး ၄ သောင်းလောက် ရမယ်လို့ သူတို့ မျှော်လင့်မိပါတယ်။ အခု ရူပီး ၂ သောင်းခွဲ ဈေးလာပေးတဲ့သူ ရှိပေမယ့် ဒီလောက်နဲ့တော့ မလုံလောက်ဘူးလေ။

နီတာဟာ အသက် ၁၃ နှစ်ပဲ ရှိပါသေးတယ်။ ဒါပေမယ့် သူ အစ်မတွေရဲ့ နောက်ကို ခြေရာနင်းပြီး ဒီပြည့်တန်ဆာ လောကထဲကို ၀င်ဖို့ ရွေးချယ်ထားပြီးပါပြီ။ ဒါဟာ သူမရဲ့ ကိုယ်ပိုင် ဆုံးဖြတ်ချက်ပါ။ သမီး အိမ်အလုပ်တွေ ဘာမှ လုပ်စရာ မလိုတော့ဘူးလေ လို့ ရီသွမ်းသွေးပြီး ပြောသွားပါသေးတယ်။

သို့ပေမယ့်လည်း... နီတာအနေနဲ့ တစ်နေ့ကို ဧည့်သည် အယောက် ၂၀ မှ ၃၀ ကြား နေ့စဉ် လက်ခံဖို့ စာချုပ်ချုပ် လက်မှတ်ထိုးထားပါတယ်။ အသက် ၄၀ အရွယ် ရောက်တဲ့အထိပေါ့။ အသက် ၄၀ ကျော်သွားရင်... စွဲမက်ဖွယ် မရှိတော့ဘူးလို့ ထင်ခံရမယ့် အချိန်အခါကျရင် သူမအနေနဲ့ သူမမှာ ရှိလာနိုင်မယ့် သားသမီးတွေကို ပြန်လည် မှီခိုရပါတော့မယ်။

သူတို့ရွာက အုတ်စီ တိုက်အိမ်အနည်းငယ်ထဲက အိမ်တစ်လုံးဖြစ်တဲ့ ပေါင် ၁၄၆၀၀ တန် အိမ်တစ်လုံးကို နီတာရဲ့ အစ်မ ၂ ယောက်က တည်ဆောက်ခဲ့ပါတယ်။ တစ်ယောက်က အသက် ၃၅ နှစ် ရှိပြီး ကျန်တစ်ယောက်က အသက် ၂၅ နှစ်ပါ။ သူတို့အနေနဲ့ အခုလို အောင်မြင်မှုကို ဂုဏ်ယူနေကြပါတယ်။ ဆင်းရဲ မွဲတွေလွန်းလို့ ကျွန်မတို့မှာ စားစရာတောင် မရှိပါဘူး။ အခုတော့ ရှင်တို့အနေနဲ့ ကျွန်မတို့ရဲ့ ကြိုးစားမှုရလာဒ်ကို မြင်တွေ့နိုင်ပြီလေ ဆိုပြီး အသက် ၂၅ နှစ်အရွယ် မန်ဂျူးက ပြောပြပါတယ်။ သူတို့ မိသားစုမှာ မိသားစုဝင် အယောက် ၅၀ ရှိပြီး ၃၅ ယောက်က ခလေးအရွယ်ပဲ ရှိသေးပြီး ၁၅ ယောက်ကတော့ အရွယ်ရောက်ပါပြီ။

အိန္ဒိယရဲ့ ဘယ်နေရာမှာ မဆို အိမ်ထောင်ပြုမယ်ဆိုရင် သတို့သမီးက သတိုးသားကို မင်္ဂလာခန်းဝင်တွေနဲ့ တင်တောင်းရပါတယ်။ ဒါကြောင့်လည်း ကိုယ်ဝန်က သမီး မိန်းခလေး ဖြစ်နှေမှန်းသိရင် ကိုယ်ဝန်ဆောင် ကာလအတွင်းမှာကတည်းက ကလေးဖျက်ချပစ်တဲ့နှုန်း အရမ်းမြင့်တက်နေတာပါ။ အဲဒီလိုနဲ့ သမီးမိန်းခလေး မွေးဖွားနှုန်းတွေ ကျဆင်းလာပါတယ်။ အခု နီတာတို့ရဲ့ ရွာမှာဆိုရင် လက်ထပ်ယူလို့ရမယ့် သတို့သမီး အရမ်း ရှားသွားပါပြီ။ မိန်းခလေးက သတို့သားကို ခန်းဝင်ပစ္စည်း တင်တောင်းရတဲ့ ဓလေ့က အခု အဲဒီရွာမှာဆို ပြောင်းပြန်ဖြစ်သွားပါတယ်။ မင်္ဂလာ မဆောင်ခင်မှာ ယောကျာ်းလေးတွေက သမီးရှင်တွေဆီမှာ မင်္ဂလာပစ္စည်း တင်တောင်းရတာမျိုး ဖြစ်ကုန်ပါပြီ။

ဖြစ်နိုင်ချေရှိတာက ငွေရလွယ်တဲ့ လုပ်ငန်းဖြစ်နေတဲ့အတွက် မိန်းခလေးအတော်များများဟာ ပြည့်တန်ဆာ လုပ်ဖို့ ရည်ရွည်ထားကြပါတယ်။ ဒါကြောင့် လက်ထပ်ယူလို့ရမယ့် အမျိုးကောင်းသမီးတွေရဲ့ ဈေးတွေက အလွန်ကို မြင့်တက်ကုန်တာပါ။ မန်ဂျူးတို့ ညီအစ်မရဲ့ မောင် ၅ ယောက်ထဲက ၄ ယောက်အတွက် မင်္ဂလာပွဲ ကုန်ကျစရိတ်ကို ကျခံပေးခဲ့ပါတယ်။ အခုအချိန်မှာလည်း ယောင်းမတွေ၊ တူတွေ တူမတွေကိုပါ ဆက်လက် ထောက်ပံ့ပေးနေပါတယ်။ သူတို့အနေနဲ့ တစ်နေ့ကို ရူပီး ၁၀၀၀ နဲ့ ၁၅၀၀ ကြား ရှာဖွေနိုင်တယ်လေ။

အဲဒီ ဒေသအတွင်းမှာ ရှေးအစဉ်အဆက် ပြည့်တန်ဆာအဖြစ် လုပ်ကိုင်တဲ့ လူမျိုးစုတွေဟာ အခုအခါမှာ နယူးဒေလီမြို့က ပြည့်တန်ဆာအိမ်တွေအထိ ဈေးကွက်ဖြန့်ကျက် လာပါပြီ။ ဒါကြောင့် အခုချိန်မှာ အဲဒီ မျိုးဆက်က မိန်းခလေးတိုင်း ပြည့်တန်ဆာ လောကထဲကို ၀င်ရောက်နေတဲ့ သံသရာကို ဖြတ်တောက်နိုင်ဖို့ ကြိုးစားနေကြပါပြီ။ အန်ဂျီအိုတွေအနေနဲ့ ပြည်တန်ဆာတွေရဲ့ ကလေးတွေရဲ့ ကျန်းမာရေး ပညာရေးတွေကို ကြည့်ရှုစောင့်ရှောက် မြင့်တင့်ပေးဖို့ ဂေဟာလေးတွေ ဖန်တီးထားကြပါတယ်။

အဲဒီပြည့်တန်ဆာလောကထဲက မိန်းမအများစုကတော့ သူတို့တွေရဲ့ သမီးတွေကို ဒီလောကထဲကို ထပ်ပြီး ၀င် မလာစေချင်တော့ပါဘူး။ သူတို့ရဲ့ လမ်းစဉ်ကို မလိုက်စေချင်ပါဘူး။ မန်ဂျူးတို့ ညီအစ်မမှာလည်း သမီးတွေ ရှိပါတယ်။ ကလေးတွေရဲ့ အဖေကတော့ သူတို့ရဲ့ ဖောက်သည်တွေထဲက တစ်ယောက်ယောက်ပေါ့။ သမီးကို ပညာတတ် ဖြစ်စေချင်တယ်။ သမီးကို ဒီလောကထဲမှာ ဘ၀ မဆုံးစေချင်ဘူး ။ သမီးကို ဒီလို အဖြစ်မခံနိုင်ဘူး လို့ ရီတူးက ပြောသွားပါတယ်။


..........................

လူ့ဘဝ

လောကကြီးမှာကိုယ်မဖြစ်နှိုင်ဘူးလို့ ထင်ထားတာတွေအားလုံးက တကယ်တော့
ဖြစ်ပြီးကုန်ကြပါပြီ….ဒီသတင်းကိုကြားကြားခြင်း ကျွန်တော်ယုံတောင်မယုံ
နှိင်ခဲ့ပါဘူး…တော်တော်လေးလဲ စိတ်မကောင်းဖြစ်မိတယ်…
ကျွန်တော့်သူငယ်ချင်းနဲ့ ညဘက်ဆိုင်တစ်ဆိုင်မှာ သောက်ရင်းစားရင်း
ဒီကောင်ပြောပြတာပါ…ဒီကောင်က Construction တစ်ခုက Engineer ပါ…
တစ်ရက် Siteထဲမှာ သူ့ရဲ့လက်အောက်က
အလုပ်သမားတွေ စုပြီးစကားပြောနေတာကို သွားတွေ့လို့မသင်ကာတာနဲ့
မင်းတို့ဘာတွေပြောနေကြတာလဲဆိုပြီး
အလုပ်သမားတစ်ယောက်ကိုခေါ်မေးလိုက်တော့ ….အလုပ်သမားလေးက သူတို့ကရက်ကွက်တစ်ခု(အမည်တော့မဖေါ်ပြတော့ပါ)ထဲမှာနေကြောင်း
သူတို့အိမ်ဘေးကမိသားစုတစ်ခုက စီးပွါးရေးတော်တော်လေးကျပ်တည်းနေပြီး
ဒုက္ခရောက်နေကြောင်းယောင်္ကျားဆုံးသွားလို့ မုဆိုးမဖြစ်ပြီး ၁၆နှစ်အရွယ်
သမီးလေးတစ်ယောက်နဲ့ အတူတူ ဘဝကိုခက်ခက်ခဲခဲ
ရုန်းကန်နေရကြောင်း ။ သမီးလေးကလဲ အပျိုဖော်ဝင်ကာစ
ဖြူဖြူချောချောလေးဖြစ်ကြောင်းအကြွေးငါးသိန်းခန့်တင်နေပြီး
အတိုးအရင်းနှစ်ခုပေါင်း ၈သိန်းခန့်ရှိ၍ ဘယ်လိုမှလဲပြန်မဆပ်နှိုင်တော့ကြောင်း
အကယ်၍ ဘယ်သူမဆိုအဲ့ဒီ့ အတိုးအရင်းနှစ်ခုပေါင်း ၈သိန်းကို ဆပ်ပေးနှိုင်ပါက
၁၆နှစ်အရွယ်သူ့သမီးလေးနှင့် အတူပေးအိပ်ပြီး တစ်နှစ်တိတိပေါင်းသင်းခွင့်ပေးမည်ဟု
သတင်းထွက်နေကြောင်း ထိုသတင်းကိုလဲ…သူ့မိန်းမမှတဆင့်ပြန်ကြားရခြင်း
ဖြစ်တယ်လို့….ကျွန်တော့်သူငယ်ချင်းကိုပြောပြသွားပါတယ်..

ကျွန်တော့်သူငယ်ချင်းက ကျွန်တော်ကိုပြန်ပြောပြတော့
ယုံတောင်မယုံနှိင်ခဲ့ပါဘူး…တကယ်စိတ်မကောင်းဖြစ်မိတယ်…
ကျွန်တော် တော်တော်ဖြစ်နေလို့ ပြန်ကာနီး သူငယ်ချင်းကတောင်
ကျွန်တော့်ကိုနောက်သွားပါသေးတယ်….

......
ဟေ့ကောင်..မင်းမှာ ၈သိန်းရှိပြီးစိတ်ဝင်စားရင်ပြောတဲ့…….

ပြီးမှ..စတာ..ဟဲဟဲ..တဲ့ .......ခွေးကောင်….

.................................